Qýańshylyqtan zardap shekken óńirlerde jem-shóp baǵasyn arzandatý maqsatynda Úkimet rezervinen 3 mlrd 600 mln teńge bólingeni belgili, dep habarlaıdy almaty-akshamy.kz «Habar 24» silteme jasap.
Qarjylaı kómek Mańǵystaýdaǵy sharýa qojalyqtaryna berile bastaǵanyn aıttyq. Al qyzylordalyq fermerler materıaldyq járdemdi 20 tamyzda ala bastaıdy. «Azyq-túlik kelisimshart korporasıasy» tarapynan naryqtaǵy baǵadan 17% tómen 1 myń 700 tonna arpa satyldy. Mal azyǵyn temirjolmen tasymaldaý úshin 77% deıin tómendetilgen tarıfter tamyz aıaǵyna deıin saqtalady.
Sondaı-aq óńirlerge jem-shóp daıyndaý úshin qosymsha 44 myń 200 tonna arzandatylǵan dızel otyny bólinip, sharýalarǵa taratylyp jatyr.