Óńirdegi gaz óńdeý zaýyty suranysty qamtamasyz teýge shamasy jetpeı otyr
Memleket basshysy Úkimetke Jańaózendegi jaǵdaıdy tezirek retteýdi tapsyrdy, dep habarlaıdy Almaty-akshamy.kz «Habar 24» telearnasyna silteme jasap.
Keshe Jańaózen turǵyndary gaz baǵasynyń kóterilýine baılanysty narazylyq bildirgen edi. Osy jaǵdaıǵa qatysty Qasym-Jomart Toqaev óziniń tvıtterdegi paraqshasynda jazba qaldyrdy.
«Úkimetke Jańaózendegi jaǵdaıdy ekonomıkalyq turǵydan eskerip, quqyqtyq jaǵynan tez arada qarastyrýdy tapsyrdym. Sherýge shyqqandar qoǵamdyq tártipti buzbaýy tıis», - dep jazdy Prezıdent.
Prezıdent odan soń «Azamattardyń jergilikti jáne ortalyq bılik organdaryna talabyn ashyq aıtýǵa quqyǵy bar, biraq, bul zańǵa, naqtyraq aıtqanda, beıbit sherýler týraly zańǵa sáıkes júzege asyrylýy kerek» dep atap ótken.
Taıaýda óńirde 1 qańtardan bastap gaz qymbattady degen aqparat taraǵan. Jurt osyǵan baılanysty suıyq otynnyń baǵasyn 60 teńgege deıin tómendetýdi talap etken. Mańǵystaý oblysy ákimdiginiń málimdeýinshe óńirdegi jalǵyz gaz óńdeýshi zaýyt aıyna 14,5 myń tonna suıytylǵan gaz óndiredi. Biraq qazirgi qajettilik 18 myń tonna bolǵandyqtan suranysty qamtýǵa shamasy jetpeıdi. Osyǵan baılanysty qosymsha 3,5 myń tonna gaz jetkiziledi.