Muhtar Áýezov atyndaǵy Qazaq ulttyq drama teatrynda «Máńgilik bala beıne» qoıylymynyń premerasy sahnalandy, dep habarlaıdy almaty-akshamy.kz QR Mádenıet jáne aqparat mınıstrliginiń baspasóz qyzmetine silteme jasap.
Qoıylym Semeı ıadrolyq polıgonyndaǵy synaqtardyń zardabyn bastan keship aman qalǵan halyqtyń ómiri týraly baıandaıdy.
Spektáklde atomdyq tájirıbeniń obektisine aınalǵan Qaraýyl aýylyndaǵy ómirdiń ashshy shyndyǵy, múgedek qyz Láıla jáne onyń áleýmettik ortasy beınelenedi... Keıipker – aýyldyń adamgershilik barometri, nurly sáýlesi. Biraq qyz adam qolymen jasaǵan azapty jeńe ala ma?
Qoıylym rejıseri — Qazaq sahna ónerin álemdik deńgeıge kóterip, mártebesin aspandatqan, sahnalyq sheshimderiniń tereńdigimen jańashyl rejıser atanǵan óner tarlany Bolat Atabaev.
M. Áýezov atyndaǵy Qazaq ulttyq drama teatry saǵat 18:30-da, Úlken zal ótetin «Máńgilik bala beıne» qoıylymynyń premerasyna barlyq teatrsúıer qaýymdy shaqyrady.