Qurmanǵazy atyndaǵy Qazaq memlekettik akademıalyq halyq aspaptar orkestriniń konsert zalynda «Mahabbat – máńgi ertegi» atty merekelik konserti ótti.
Ǵashyqtar kúnine uıymdastyrylǵan merekelik konsertke qazaq estradasynyń juldyzdary Qazybek Quraıysh, Azamat Baqbergenov, Halyqaralyq jáne respýblıkalyq konkýrstardyń laýreattary Tahaýı Rahmetov, Jadyra Amanova, Anastasıa Skepko jáne t.b ánshiler óner kórsetti.
Sondaı-aq konserttik baǵdarlamada orkestr repertýaryndaǵy mahabbat taqyrybyndaǵy «Romeo-Djýletta» kınofılminen «Mahabbat áýeni», Tólegen Muhamedjanovtyń «Mahabbat beketi» kınofılminen saýndtrek, «Mahabbat máńgi ertegi», «Taptym-aý seni» shyǵarmalary oryndaldy.
Konsert sońynda Ulttyq orkestrmen úlken sahnada alǵash ret óner kórsetken, qazaq estradasynyń jaryq juldyzy, mahabbat taqyrybynda áýeletip án shyrqap júrgen Qazybek Quraıysh ǵashyq jandarǵa arnap tilek-nıetin bildirdi.
«Jer júzindegi ár adam baqytty bolýǵa laıyqty. Ómirde óz jartyńyzdy tabýǵa, rıasyz mahabat sezimin keshýlerińizdi tileımin. Adamdardyń arasynda da meıirimdilik, mahabbat sezimi sónbegenin qalaımyn», – dedi Qazybek Quraıysh.