Aılyq ınflásıa 0,6%-ǵa ósti.
Ulttyq Banki el óńirlerindegi ınflásıa týraly málim etti, dep habarlaıdy Almaty-akshamy.kz
2023 jyldyń mamyr aıynda elde jyldyq ınflásıa baıaýlap, 15,9%-dy qurady (sáýirde – 16,8%). Aımaqtar boıynsha ınflásıa barlyq 19 óńirde báseńdedi. Al 1 óńirde (Aqmola oblysy) burynǵy 17,6% deńgeıindegi mánin saqtaı otyryp, ózgergen joq.
Jyldyq ınflásıanyń eń joǵary máni Aqmola, Mańǵystaý jáne Soltústik Qazaqstan oblystarynda tirkeldi.
Mamyrda azyq-túlik taýarlarynyń baǵasy j/j 16,5%-ǵa deıin (sáýirde – 17,9%) baıaýlady. Osy toptaǵy taýarlardyń baǵasy Mańǵystaý oblysynda (20,7%) barynsha joǵary, al Almaty qalasynda (14,3%) meılinshe tómen ósti.
Azyq-túlikke jatpaıtyn taýarlar baǵasynyń ósý qarqyny j/j 17,2%-ǵa deıin baıaýlady (sáýirde – 18,2%). Eń joǵary mán Astana qalasynda (23,6%), eń tómen mán Almaty oblysynda (14,1%) tirkeldi.
Mamyrda aqyly kórsetiletin qyzmet baǵasy j/j 13,5%-ǵa deıin baıaýlady (sáýirde – 13,7%). Bul rette jalpy respýblıkalyq deńgeıden baǵa Aqmola oblysynda (18,1%) birshama joǵary, Astana qalasynda (10,2%) aıtarlyqtaı tómen ósti.
2023 jylǵy mamyrda elde aılyq ınflásıa 0,6%-ǵa ósti. Bul tarıhı ortasha mánnen (2017-2021 jyldary mamyrda 0,5%) joǵary.