MÁMS arqyly tis dárigeriniń qyzmetine júgine alatyndardyń tizimine azamattardyń jekelegen sanattary kiredi dep habarlaıdy Almaty-akshamy.kz.
Mindetti áleýmettik medısınalyq saqtandyrý arqyly 18 jasqa deıingi balalar men júkti áıelder josparly stomatologıalyq kómek ala alady.
Al shuǵyl stomatologıalyq kómek tómendegi tizimde kórsetilgen sanattaǵy azamattarǵa qoljetimdi:
- 18 jasqa deıingi balalar;
- júkti áıelder;
- Uly Otan soǵysynyń ardagerleri;
- 1, 2, 3 toptaǵy múgedektigi bar azamattar;
- «Altyn alqa» jáne «Kúmis alqamen» marapattalǵan kópbalaly analar;
- ataýly áleýmettik kómek alýshylar;
- zeınetkerler;
- ınfeksıalyq, áleýmettik máni bar aýrýlarmen jáne aınaladaǵylar úshin qaýip tóndiretin aýrýmen aýyratyn naýqastar;
- múgedektigi bar balany kútip-baǵyp otyrǵan jumys istemeıtin adamdar;
- birinshi toptaǵy múgedekke kútim jasaıtyn jumys istemeıtin adamdar.