Eki apta boıy mamandar kemeniń zaqymdanýynyń yqtımal sebepterin zerttedi
Halyqaralyq ǵarysh stansasynyń (HǴS) quramyna kiretin «Soıýz MS-22» ǵarysh kemesine qatysty jaǵdaıdy "Roskosmos" saraptady, dep habarlaıdy Almaty-akshamy.kz QazAqparatqa silteme jasap.
Mamandar habarlaǵandaı, 2022 jylǵy 15 jeltoqsanda HǴS-ta tótenshe jaǵdaı oryn aldy: reseılik-amerıkandyq ekıpajben Jerge oralýy tıis «Soıýz MS-22» ǵarysh kemesi aspabynyń jáne qurastyrý bóliginiń syrtqy qabyǵyna zaqym kelgeni anyqtaldy.
Eki apta boıy mamandar kemeniń zaqymdanýynyń yqtımal sebepterin zerttedi. Mıkrometeorıttiń soǵýy sebepterdiń biri retinde ataldy.
Tótenshe jaǵdaıdyń sebepterin anyqtaý, kemeniń tehnıkalyq jaǵdaıyn taldaý jáne odan ári is-qımyl boıynsha usynystar ázirleý úshin qurylǵan eki jumys tobynyń qorytyndylary tyńdaldy.
«Kemeniń jylýdy basqarý júıesiniń radıatorynyń isten shyǵýy syrtqy mehanıkalyq zaqym saldarynan ekeni belgili boldy», - dep jazdy "Roskosmostyń" baspasóz qyzmeti.
Komısıa sondaı-aq jumys toptarynyń qorytyndylary negizinde 2023 jyldyń qańtarynda HǴS reseılik segmentiniń jerústi mamandary men ekıpajynyń odan ári is-qımyldary týraly, stansıanyń yqtımal ózgerýi jaıynda uıymdastyrýshylyq sheshimder qabyldanatynyn málimdedi.