Ekonomıkanyń osal tustaryn ashyp berdi.
Pandemıa ózge aımaqtardaǵydaı Ortalyq Azıa elderi ekonomıkasynyń syrtqy kúızelisterge degen osal tustaryn ashty. Bul týraly Birikken Ulttar Uıymy Bas Hatshysynyń orynbasary jáne BUU Damý Baǵdarlamasy ákimshisiniń kómekshisi Ýsha Rao-Monarı Almatyda ótip jatqan Ortalyq Azıa elderiniń ekinshi óńirlik Turaqty damý maqsattary samıtinde aıtty, dep habarlaıdy Almaty-akshamy.kz Baq.kz silteme jasap.
Osy jolǵy samıt «COVID-ten tys - Ortalyq Azıadaǵy ádiletti qalpyna keltirý jolynda» taqyrybymen ótip jatyr.
Ýsha Rao-Monarıdiń aıtýynsha, densaýlyq saqtaý, ekonomıkalyq, ekologıalyq jáne saıası tótenshe jaǵdaılardyń qabattasýy, azyq-túlik, energıa jáne shıkizat baǵalarynyń rekordttyq ósýi, paıyzdyq mólsherlemelerdiń ósýi jáne kele jatqan qaryz aýyrtpalyǵynyń barlyǵy Covid-19 pandemıasynan keıin ońaltý sharalaryna qosymsha salmaq bolyp otyr.
«Pandemıa áleýmettik qaýipsizdik jelileri men densaýlyq saqtaý júıeleriniń álsizdigin, qosarly eńbek naryǵyn jáne qarjyǵa qol jetkizýdegi teńsizdikti kúsheıtti. Bir býyn ishinde birinshi ret biz 2030 jylǵa qaraı Turaqty damý maqsattaryna qol jetkizýine jolyndaǵy sátsizdikke kýá boldyq. Jahandyq tótenshe kedeılik deńgeıi 20 jylda alǵash ret ósip otyr. Pandemıa basqa aımaqtardaǵydaı Ortalyq Azıa elderi ekonomıkasynyń syrtqy kúızelisterge degen osal tustaryn ashty. Saýdadaǵy úzilister, tutyný men ınvestısıanyń quldyraýy, mıgranttardyń aqsha aýdarymy, munaı men mıneraldy shıkizat eksportynan túsetin kirister aımaqtaǵy barlyq elderdiń jalpy ishki ónimine áser etýde. Shaǵyn jáne orta kásiporyndar men ózin-ózi jumyspen qamtyǵandar, ásirese, olardyń qyzmetterine suranystyń tómendeýine ushyraıdy», - dedi ol.