Qazaqstanda qazannyń ekinshi jeksenbisinde Múgedektigi bar adamdar kúni atap ótiledi.
Qazaqstan Úkimeti erekshe qajettilikteri bar adamdarǵa qandaı jaǵdaı jasalyp jatqanyn baıandady, dep habarlaıdy Almaty-akshamy.kz.
Búgingi tańda Qazaqstanda turatyn 705 myń múgedektigi bar adamnyń 421,5 myńy eńbekke qabiletti jasta (59,8%), 181,9 myńy zeınetkerlik jasta (25,8%) jáne 101,6 myńy 18 jasqa deıingi balalar (14,4%).
«Múgedektigi bar adamdardy áleýmettik qorǵaý salasyndaǵy memlekettik saıasat olardyń qoǵamǵa tolyqqandy ıntegrasıalanýyna jáne halyqtyń osy sanaty basqalarmen teń ómir súrýi, jumys isteýi jáne oqýy, qoǵam ómirine erkin qatysýy, belgili bir sheshimder qabyldaýy jáne t. b. úshin kedergilerdi eńserýge, joıýǵa baǵyttalǵan», - delingen Eńbekmıni baspasóz qyzmetiniń habarlamasynda.
Múgedektigi bar adamdardyń quqyqtary men zańdy múddelerin qamtamasyz etý úshin Qazaqstanda mynalardy qamtıtyn kóp deńgeıli áleýmettik qorǵaý júıesi jumys isteıdi: memlekettik kómek jáne áleýmettik járdemaqylar men tólemder túrindegi qoldaý; áleýmettik ońaltý sheńberinde aǵzanyń joǵalǵan fýnksıalaryn óteý; arnaýly áleýmettik qyzmetter kórsetý.
Múgedektigi bar adamdar kórsetilimderi men qarsy kórsetilimderin eskere otyryp, memlekettik búdjet qarajaty esebinen protezdik-ortopedıalyq kómekpen, sýrdo-tıflotehnıkalyq quraldarmen, kreslo-arbalarmen, sanatorlyq-kýrorttyq emdeýmen, mindetti gıgıenalyq quraldarmen, jeke kómekshiniń jáne ymdaý tili mamanynyń qyzmetterimen qamtamasyz etiledi.
Memleket múgedektigi bar adamdardy áleýmettik qamsyzdandyrýdy jetildirý jóninde turaqty negizde sharalar qabyldaýda.
2022 jylǵy 1 qazandaǵy jaǵdaı boıynsha múgedektigi boıynsha memlekettik áleýmettik járdemaqylardy alýshylardyń sany 534,6 myń adamdy quraıdy. 2022 jyldyń qańtar-qyrkúıek aılary aralyǵynda respýblıkalyq búdjetten múgedektigi boıynsha MÁJ tóleýge 254,5 mlrd teńge baǵyttaldy.
Múgedektigi boıynsha memlekettik áleýmettik járdemaqylardyń mólsheri múgedektiktiń tobyna jáne sebebine, sondaı-aq tıisti qarjy jylyna arnalǵan «Respýblıkalyq búdjet týraly» zańda belgilengen eń tómengi kúnkóris deńgeıiniń shamasyna baılanysty bolady. 2022 jyldyń 1 qazanynda múgedektigi boıynsha MÁJ-diń ortasha mólsheri 53 802 teńgeni qurady.