Qazirgi ınflásıanyń ósýi uzaqqa sozylýy múmkin.
Ulttyq bank bazalyq mólsherlemeni 16 paıyz dep belgiledi. Bul týraly Ulttyq banktiń basqarma tóraǵasy Ǵalymjan Pirmatov arnaıy brıfıńte aıtty, dep habarlaıdy Almaty-akshamy.kz QazAqparatqa silteme jasap.
«Ulttyq baktiń aqsha-kredıt saıasaty komıteti 27 qazannan bastap bazalyq mólsherlemeni 16 paıyzǵa deıin kóterý jóninde sheshim qabyldady. Sheshim ınflásıanyń jedeldeýine jáne baǵanyń ósýi bizdiń boljamdy baǵalaýymyzdan edáýir joǵary qalyptasýyna baılanysty qabyldandy. Bıylǵy jyldyń sońyna qaraı ınflásıanyń 16-18 paıyz aralyǵynda qalyptasatynyn boljaǵan edik. Qyrkúıek aıynda naqty ınflásıanyń jasalǵan boljamnan asyp túsýi, ınflásıalyq kútýlerdiń oń fıskaldyq serpin aıasyndaǵy ınflásıanyń komponentteriniń turaqtylyǵynyń, joǵary syrtqy ınlásıanyń, taýar jetkizý joldarynyń buzylýynyń, Reseıden joǵary ınfláısá ımportynyń jalǵasýynyń, sondaı-aq óndiris shyǵyndarynyń ósýiniń saldarynan oryndaldy. Inflásıanyń turaqty ósýiniń aıqyn belgileri baıqalýda», - dedi bank tóraǵasy.
Sondaı-aq ol qazirgi ınflásıanyń ósýi uzaqqa sozylýy múmkin ekenin atap ótti.
«Mundaı jaǵdaıda onyń qarqyndy ósýi uzaqqa sozylýy yqtımal. Osynyń bári aqsha-kredıt talaptaryn qatańdatýǵa baǵyttalǵan sheshýshi sharalar qabyldaýdy qajet etedi. Naqty bazalyq mólsherlemeniń óziniń qalypty máninen uzaq ýaqytqa aıtarlyqtaı aýytqýyna jol bermegen jón. Sebebi bul ınflásıalyq prosestiń baqylaýdan shyǵýyna ákelip, keıingi jyldary ınflásıany turaqtandyrý múmkindigin azaıtady», - dedi Ǵalymjan Pirmatov.
Eske salsaq, Ulttyq bank bazalyq mólsherlemeni 16%-ǵa deıin kóterdi.