Bastyń mundaı aýrýyn klasterlik dep ataıdy.
Bosaný kezindegi aýyrsyný eń aýyr aýyrsynýdyń bir túrinen sanalady, alaıda, odan da beter janǵa batatyn aýyrsynýdy týdyratyn dert bar.
Bul jaıynda Almaty-akshamy.kz Islam.kz aqparattyq portalyna silteme jasaı otyryp habarlaıdy.
«Rospotrebnadzordyń» Shelkovo ortalyq epıdemıologıa ǵylymı-zertteý ınstıtýtynyń molekýlárlyq dıagnostıka ortalyǵynyń nevropatology Ksenıa Lepılova «Doktor Pıter» basylymyna aýyrsynýdyń eń aýyr túrin atady.
Bilikti mamannyń sózine qaraǵanda, on baldyq shkala boıynsha eń aýyr aýyrsynýǵa jatatyn klasterlik bas aýrýy keıde jantózgisiz keledi – 15 mınýttan 3 saǵatqa deıin sozylýy múmkin. Dert meńdegen naýqastyń óz-ózine qol jumsaý qateri artyp ketedi. Mundaı dertten adam kóz ilindire almaıdy, ne jatqyzbaıdy, qysqasy, adam janyn qoıarǵa jer tappaıdy. Kózdiń mańynda paıda bolatyn dertten adam eńsesin kótere almaı qalady, janarynan jas aǵyp, kózi qyzarýy múmkin.
Klasterlik bas aýyrýy ómirge qaýip tóndirmeıdi, alaıda, ol sozylmaly bolyp keledi. Kenetten ustaýy múmkin. Adamdy qajytatyn, ómirge qulshynysyn basatyn aýrýlardyń birinen sanalady.