Bir aılyq aksıa aıasynda jadynama taratylady.
Almatyda 1205 úı pesh jaǵady, onyń ishinde 51 úı - Túrksib aýdanynda. Jylytý maýsymy jaqyndaǵanda qaýiptiń aldyn alý úshin búgin tótenshe jaǵdaılar basqarmasynyń mamandary áleýmettik osal toptaǵy otbasyna baryp, murjasyn tekserip, tazalap berdi, dep habarlaıdy Almaty-akshamy.kz Almaty.tv silteme jasap.
Bir aılyq aksıa aıasynda jadynama taratylady. Onda órt qaýipsizdigin aldyn alý týraly jazylǵan. Odan bólek úıdiń ishinde ys shyqsa, dabyl qaǵatyn qurylǵylardyń jumysy da tekseriledi.
«Ózim ot jaǵam. Gaz qoıatyn aqsha da joq, páterde turamyz. Qanshama halyq gazǵa ýlanyp jatqanyn estip júrmiz. Qudaı saqtasyn, balalarym aman bolsyn!» – dedi qala turǵyny Rahmetjan Mansurov.
«Turǵyndar men qala qonaqtaryn qaýipsizdik erejesin qatań saqtaýǵa shaqyramyz. Otpen oınaýǵa, salǵyrt qaraýǵa bolmaıdy. Jylý maýsymy bastalǵanda ár úı ıesi asa saq bolǵany jón», – dedi Túrksib aýdany TJB bas mamany Anýar Kalımoldanov.
Byltyr Túrksib aýdanynyń ózinde 31 órt jaǵdaıy tirkelgen. Pesh jumysynyń buzylýyna qatysty 8 oqıǵa oryn aldy.