Durys batareıanyń qyzmet etý merzimi eki jylmen shekteledi
Jurtshylyq uıaly telefonyn orta eseppen eki jylda bir aýystyrady. Osy aralyqta ol eskirip úlgeredi, batereıasy tez otyryp, ondaǵy qosymshalar baıaý jumys isteıdi. Sarapshy eski telefondy jóndetkennen góri, jańasyn alǵan tıimdi deıdi.
Jarnama agenttiginiń bas dırektory Sergeı Jıtınes gazeta.ru basylymyna bergen suhbatynda sońǵy shyqqan telefondardyń prosesory anaǵurlym myqty, ekrany úlken ári optıkasy sapaly bolatynyn aıtty, dep habarlaıdy Almaty-akshamy.kz.
Telefondaǵy barlyq múmkindikter durys jumys isteýi úshin jáne paıdalanylatyn qosymshalar tolyq jumys isteýi úshin batareıasy qýatty bolýy qajet. Biraq batareıanyń qýatyn arttyrý onyń kóleminiń ulǵaıýyna ákeledi, bul smartfonnyń salmaǵyna áser etedi.
«Sondyqtan durys batareıanyń qyzmet etý merzimi eki jylmen shekteledi, odan keıin smartfonnyń jumys isteý ónimdiligi tómendeıdi»,-deıdi maman.
Eski telefondy sońǵy shyqqan jańasyna aýystyrýdyń taǵy bir sebebi - óndirýshilerdiń marketıńtik amaldaryna baılanysty. Olar flagmandyq modelderdi 5G, symsyz qýattaý, zamanaýı kamera jáne taǵy sol sıaqty qyzyqty jańa múmkindiktermen jabdyqtaıdy. Mundaı amaldar adamdardy qyzyqtyryp, nege alyp kórmeske dep ózine tarta túsedi.
"Buryn biz telefonnyń batareıasyn aýystyryp, taǵy birer jyl paıdalanatynbyz. Qazirgi tańda baǵdarlamalyq qamtamasyz etýdiń kún sanap jamýyna baılanysty batareıany aýystyra salý jetkiliksiz, óıtkeni baǵdarlama men qosymshalar telefonnyń eski modelinde jumys istemeı qalady",-deıdi Sergeı Jıtınes.
Mamannyń aıtýynsha, qazir eski telefondy jóndegennen góri, jańasyn satyp alǵan tıimdi.