Áýlıekól aýdanynda jáne ózge óńirlerde bolǵan órtten egistik alqaptaryna zıan kelgen joq. Búgin Senatqa maldy asyldandyrýǵa qatysty zań jobasyn alyp kelgen Aýyl sharýashylyǵy mınıstri osylaı dep málimdedi.
Aıtýynsha, eginniń jartysynan astamy jınalǵan. Jumys qyzý jalǵasyp jatyr, dep habarlaıdy Almaty-akshamy.kz.
Qazir mal basy ósip jatyr. Ony asyldandyrýǵa sýbsıdıa da bólinedi. Biraq nátıje biz qalaǵandaı emes. Sebep - kadr tapshylyǵy. Erbol Qarashókeevtiń aıtýynsha, bizde tórt túlikti genomdyq jolmen asyldandyratyn zamanaýı molekýlárlyq ádisterdi meńgergen maman jetispeıdi. Sol úshin aýyl sharýashylyǵy mamandaryn daıarlaý ádisi qaıta qaralady degen mınıstr Áýlıekólde jáne ózge óńirlerde bolǵan órtke de toqtaldy. Aıtýynsha, tilsiz jaý sharýashylyqtarǵa aıtarlyqtaı zıan keltirmegen.
Al et baǵasy qymbattamaıdy. Mınıstr baǵanyń ósýine negiz joq deıdi. İshki naryqtaǵy jaǵdaı turaqty. Tipti jaqynda sharýalardyń tabysyn arttyrý úshin shetelge 120 myń usaq mal, 60 myń iri qara eksporttaýǵa ruqsat berilmek.