Malaızıa – Qazaqstannyń Ońtústik-SHyǵys Azıadaǵy negizgi seriktesteriniń biri.
Malaızıa tabıǵı apat kezinde jáne odan keıin memlekettik qyzmetshilerdiń is-qımyl algorıtmderin jetildirý úshin Qazaqstanmen tájirıbe almasýǵa daıyn, dep habarlaıdy Almaty-akshamy.kz
Bul týraly Malaızıa Parlamenti Senaty tóraǵasynyń mindetin atqarýshy Nýr Jazlan Mohamed Qazaqstan Respýblıkasy Prezıdentiniń janyndaǵy Memlekettik basqarý akademıasynda ótken kezdesýde málimdedi.
Malaızıa – Qazaqstannyń Ońtústik-SHyǵys Azıadaǵy negizgi seriktesteriniń biri. Malaızıada mýsondyq jańbyrlar men sý tasqyny jıi bolyp turady. Malaızıa Senaty basshysynyń m.a. Akademıa qyzmetkerlerimen jáne tyńdaýshylarymen kezdesýde sý tasqynymen kúresý boıynsha memlekettik qyzmetkerler arasynda tájirıbe almasýǵa daıyn ekenin atap ótti.
«Sý tasqynyn basqarý – óte mańyzdy is. Qazaqstan mundaı aýqymdy sý tasqynyn kútpegenin túsinemiz, biraq álemde klımattyq ózgeristerge baılanysty nóser jańbyrdan týyndaǵan sý tasqyny aldaǵy ýaqytta da bolý yqtımaldyǵy joǵary. Sondyqtan Malaızıa tabıǵı apat kezinde jáne odan keıin memlekettik qyzmetshilerdiń is-qımyl algorıtmderin jetildirý úshin Qazaqstanmen tájirıbe almasýǵa daıyn. Malaızıa Memlekettik basqarý akademıasy tarapynan biz memlekettik qyzmetshilerdiń biliktiligi men kommýnıkatıvtik daǵdylaryn arttyrý boıynsha oqytý kýrstaryn uıymdastyrýǵa ázirmiz. Daǵdarys kezinde jumys isteıtin mamandar bilikti bolýy kerek jáne halyqtyń muń-muqtajyn túsine alýy kerek», – dedi Nur Jazlan Mohamed.
Sondaı-aq spıker memlekettik qyzmetshiler jumysynyń tıimdiligin arttyrý, memlekettik basqarýdy sıfrlandyrý jáne memlekettik sektor jumysynda jasandy ıntellektti paıdalanýdyń artyqshylyqtarymen bólisti.
Akademıa rektory Erlan Ábil Nur Jazlan Mohamedke alǵysyn bildirip, Malaızıanyń memlekettik basqarý akademıasymen áriptestik qarym-qatynas ornatýǵa daıyn ekenin atap ótti. Kezdesý sońynda Akademıa tyńdaýshylary men qyzmetkerleri suraqtaryna jaýap aldy.