Naqtyraq aıtqanda, mal júninen úıdi jylytýǵa arnalǵan materıal shyǵarý josparlanýda.
Aqtóbede qoıdyń júnin paıdalanýdyń jańa tásili oılap tabyldy. Shıkizat Italıa tehnologıasy boıynsha óńdeledi, dep habarlaıdy Almaty-akshamy.kz Qazaqtv.com saıtyna silteme jasap.
Biregeı óndiris sheteldik ınvestorlardyń qoldaýymen júzege asyrylmaq. Joba quny - shamamen 10 mln dollar.
«Memleket tarapynan, árıne, qoldaý bar. Másele mynada - bizde júnniń bastapqy óńdelýi Aýyl sharýashylyǵy mınıstrligine qaraıdy, al onyń keıingi óńdeý jumystary, óńdeý ónerkásibi Indýstrıa jáne ınfraqurylymdyq damý mınıstrliginiń qaraýynda. Olardyń bizge usynatyn sýbdıksıalanǵan nesıe beretin memlekettik qoldaý baǵdarlamalary bar», - deıdi kásiporyn dırektory Erlan Jańabergenov.
Óńirdiń barlyq aýdandarynda qoı júnin jınaý pýnktteri ashylady. Sarapshylardyń aıtýynsha, jobany iske asyrý úlken áserin tıgizýde, mysaly, otandyq fermerler óz shıkizattaryn ótkize alady. Jyl saıyn aımaqta úsh jarym myń tonnaǵa deıin qoı júni jınalady. Sondaı-aq, janýarlardyń terisi de óńdeledi, olardan jelatın ónimin shyǵarý josparlanyp otyr.
Daıyn ónimniń birinshi partıasyn kelesi jyly alý josparlanýda. Jańa óndiristiń iske qosylýyna baılanysty turaqty jumys oryndary paıda bolyp, aýdandarda júndi óńdep shyǵaratyn ortalyqtar ashylady.