Aýylsharýashylyq mınıstrligi osyndaı qaýly qabyldady, dep habarlaıdy almaty-akshamy.kz.
Ol 15 tamyzdan bastap kúshine enedi. Jem-shópti shetelge satýdy shekteý ishki naryqta qor jınaý maqsatymen jasaldy.
Málimetterge qaraǵanda, qazir elde 16 mıllıon tonnadan astam shóp jınaldy. Bul jospardyń 68 prosentine teń. Sharýalardyń qysqa qam jasaýy úshin óńirlerge 43 myń tonna dızel otyny jeńildikpen berilgen. Sondaı-aq memleket qaramaǵyndaǵy 211 myń gektar jerdiń shóbin orýǵa ruqsat etildi.
Búginde Almaty, Jambyl jáne Túrkistan oblastary jem-shóp qoryn jınaýda jospardy artyǵymen oryndady. Al qýańshylyqtan zardap shekken óńirlerge kómek retinde Úkimetten 3,6 mıllıard teńge bólindi. Onyń 1,7 mıllıardy Qyzylorda, 1,9 mıllıardy Mańǵystaý oblysyna berildi. Sondaı-aq osy eki óńirdiń turaqtandyrý qoryna qosymsha 1,7 myń tonna arpa jetkiziledi. Dese de, mamandar maldyń qyrylýyna jalǵyz qýańshylyq emes, saladaǵy júıeli jumystyń joqtyǵy sebep boldy deıdi.