Qazaqstan quramasynyń sportshysy Maksım Meıirlan dzúdodan Taılandtyń Bangkok qalasynda ótip jatqan Azıa chempıonatynda úshinshi oryn aldy.
Qazaqstandyq balýan 90 kelige deıingi salmaqta óner kórsetti, dep habarlaıdy aqshamnews.kz UOK-ke silteme jasap.
Maksım Meıirlan qola medal úshin bolǵan beldesýde tájikstandyq Ýmıd Radjabovty jeńdi. Nátıjesinde Qazaqstan quramasynyń qorjynyna kezekti qola júldeni saldy.
Aıta keteıik, dál osy salmaqta Ermahan Ánýarbekov te qola medal úshin kúresti. Alaıda ol japonıalyq Komeı Kavabataǵa ese jiberdi.
Osylaısha, Qazaqstan quramasynyń qorjynynda tórt medal bar. Buǵan deıin Ǵalıa Tynbaeva (48 kelige deıin), Sherzod Davlatov (60 kelige deıin) jáne Baqyt Qusaqbaeva (57 kelige deıin) qola medal jeńip alǵan bolatyn.