Almaty tehnologıalyq ýnıversıtetinde Qazaqstan Respýblıkasy Parlamenti Májilisiniń depýtattary stýdent jastarmen, oqytýshy profesorlarmen, qoǵam belsendilerimen jáne jýrnalısermen, t.b. kezdesti. Jıynda «Aqjol» demokratıalyq partıasynyń tóraǵasy Azat Perýashev, Májilis depýtaty Qazbek Isa sóz aldy. Kezdesýdi oqý ornynyń Birinshi prorektory Baýyrjan Nurahmetov júrgizip otyrdy.
Sharada kolektorlyq kompanıalardyń máselesi, nesıe, qańtar oqıǵasy jáne áleýmettik-ekonomıkalyq baǵyttaǵy máseleler sóz boldy.
Azat PERÝASHEV,
«Aqjol» demokratııalyq partııasynyń tóraǵasy:
Memleket basshysy Qasym-Jomart Toqaevtyń jasap jatqan bastamalary aıqyn. Biz eldiń jaǵdaıyn jaqsartaıyq desek, saıası ózgeris qajet. Keshegi qańtar oqıǵasy bárimizge sabaq boldy. Osyndaı syndarly shaqta bárimiz bir atanyń balasyndaı, bir qoldyń salasyndaı tirlik etýimiz kerek. Barlyǵymyz judyryqtaı jumylyp, eldi órkendetýge atsalysaıyq. Eger ózimizdi ózimiz qoldamasaq, dememesek, bizdiń tynyshtyǵymyz basqalarǵa qajet emes. Bul eldiń taǵdyry ózimizdiń qolymyzda. Sondyqtan bulǵaq kezinde qate basyp qalǵan qarakózderimizge keshirimmen qaraýymyz kerek sıaqty. Shalys basqandaryn ózderi de aıtýda. Biz bul jóninde eki ret depýtattyq saýal joldadyq. Memleketimizdiń bolashaǵy - jastardyń qoldynda. Birlikti saqtaıyq! Elimizdi damytaıyq!
Qazbek ISA,
Májilis depýtaty:
Biz úshin bilim, onyń ishinde tehnologıalyq bilim mańyzdy. Ózimiz de tehnologıalyq ýnıversıtettiń qabyrǵasynda kezdesip otyrmyz. Endi qańtar oqıǵasy týraly aıtpaı óte almaımyz. Túrmelerde qamalǵan jastarmen kezdestik. Kezekshi polısıa bári jaqsy ekenin aıtady. Biraq tizilip turǵan jastardyń kózinen qutqarýshylar kelgendeı úmit sáýlesin kórdik. Qoldan kelgenshe olardyń máselesin sheshýge tyrysýdamyz. Bul jastar - negizinen aýyldan kelgender. Aıaqtaryna kıgeni krassovka. Osydan-aq olardyń áleýmettik jaǵdaıdy túsinýge bolady. Búlikshi, sodyrdan beıbit jastardy ajyrata bilýimiz kerek. Eldi mekennen kelgen jas órender úshin qalada qazaq tili jaraı qoımaıdy. Sondyqtan memlekettik til tuǵyryna qonbaı, is ónbeıdi. Birtindep atalǵan máseleler iske asady degen úmittemiz. Osy baǵytta barsha qoǵam úles qosqany abzal. Elimiz aman bolsyn!
Baýyrjan NURAHMETOV,
Almaty tehnologıalyq ýnıversıtetiniń Birinshi prorektory:
Qasterli Otanymyzda úlken ózgerister bolyp jatyr. Ár tarıhı kezeńniń ózindik jańarý joly bolady. Biz jastarmen tikeleı jumys isteımiz. Oqý ordamyzda tehnıkalyq baǵytta mamandar daıarlanady. Olardyń kóbisi jemisti qyzmet etip júr. Elimizdiń depýtattary ýnıversıtetimizde jastarmen, oqytýshylarmen, t.b júzdesip otyr. Bizdiń stýdentter ózderiniń belsendiligin tanytyp, ártúrli taqyrypta saýaldaryn joldady. Jalpy, Qazaqstan qoǵamyn órkenıetke bastaıtyn jastar. Endeshe bolashaǵymyz tárbıeli, bilimdi de bilikti jastardyń qolynda bolady dep senemiz.