Májilis tóraǵasy Erlan Qoshanov Qazaqstanda atom elektr stansıasyn (AES) salýdyń mańyzdylyǵyn túsindirdi. Onyń aıtýynsha, AES salý eldiń táýelsizdigin nyǵaıtý jáne ekonomıkany ornyqty damytý úshin qajet.
Túrkistan oblysynda ótken "Jastar Rýhy" respýblıkalyq jastar saıası lagerinde sóılegen sózinde Erlan Qoshanov Qazaqstannyń energetıkalyq táýelsizdigin arttyrý jáne ǵylym men tehnologıany damytý maqsatynda AES salý qajettiligin atap ótti.
Qazirgi ýaqytta Qazaqstandaǵy energıanyń 80 paıyzy kómirden óndiriledi, bul ekologıalyq turǵydan tıimsiz. Atom energıasy osy máseleni sheshýdiń tıimdi joly retinde qarastyrylyp otyr. Ǵalym Nurhat Jákıevtiń aıtýynsha, AES qurylysy aldaǵy 100 jylda eldegi elektr qýaty tapshylyǵyn joıýǵa jáne jańa jumys oryndaryn ashýǵa kómektesedi.
"Jastar Rýhy" jastar qanatynyń músheleri men belsendileri AES salý bastamasyn qoldap, onyń eldiń damýy úshin mańyzdy ekenin atap ótti. Sondaı-aq, jas ǵalymdar álemdik ekonomıkanyń jáne halyqtyń teń jartysy atom energıasyn paıdalanatyn elderde shoǵyrlanǵanyn jáne Qazaqstannyń jahandyq damýdan shet qalmaýy tıis ekenin aıtty.
Erlan Qoshanov jastardyń AES salý máselesindegi pikirin qoldap, olardy azamattyq ustanymdaryn belsendi túrde bildirýge shaqyrdy. Ol AES salý máselesinde negizgi sheshimdi halyq qabyldaıtynyn, bul Memleket basshysynyń basty ustanymy ekenin aıtty. AES salý ǵylym men tehnologıany damytýǵa, eldiń básekege qabilettiligin arttyrýǵa jáne táýelsizdikti nyǵaıtýǵa úles qosady dep qorytyndylady.