Kezdesýde eki eldiń yntymaqtastyq máseleleri talqylandy.
Búgin Májilis Tóraǵasy Nurlan Nyǵmatýlın Ázirbaıjan Respýblıkasynyń Qazaqstandaǵy Tótenshe jáne Ókiletti Elshisi Rashad Mammadovty qabyldady, dep habarlaıdy Almaty-akshamy.kz QR Parlamentiniń saıtyna silteme jasap.
Taraptar eki el arasyndaǵy yntymaqtastyqty damytý tóńireginde ortaq oılarymen bólisti. Sondaı-aq, kezdesýde Qazaqstan men Ázirbaıjan arasyndaǵy áriptestikke qatysty birqatar máseleler talqylanyp, Palata spıkeri elshige eki el qarym-qatynasyn, sonyń ishinde, parlamentaralyq baılanysty nyǵaıtýǵa zor úles qosqanyn atap ótti. Palata Tóraǵasy Qazaqstannyń Tuńǵysh Prezıdenti, Elbasy Nursultan Nazarbaev elder arasyndaǵy baýyrlastyq qarym-qatynastardy nyǵaıtýǵa kúsh salyp, Ázerbaıjanmen ózara baılanystyń erekshe mańyzdylyǵyna nazar aýdaratynyn aıtty.
Sonymen qatar, Nurlan Nyǵmatýlın Ázirbaıjan Qazaqstanmen strategıalyq seriktes el ǵana emes, baýyrlas memleket ekenin, búginde Memleket Basshysy Qasym-Jomart Toqaevtyń Bakýmen yntymaqtastyqqa erekshe mán beretinin alǵa tartty. Bizdiń elderimiz basshylarynyń kelisimderi nátıjesinde kóptegen birlesken jobalar júzege asyrylýda. Bul Qazaqstan men Ázirbaıjan ǵana emes, aımaqtaǵy basqa elderdiń de damýyna jańa serpin berdi, - dedi Májilis Tóraǵasy.
Óz kezeginde mártebeli meıman Qazaqstanmen barlyq salada áriptestik ornatyp, parlamentaralyq ózara is-qımyldy jandandyryp, sondaı-aq, saýda-ekonomıkalyq qatynastyń berik negizi qalanǵanyna toqtaldy. Nurlan Nyǵmatýlın men Rashad Mammadov parlamentaralyq dıalogty nyǵaıtý Qazaqstan men Ázirbaıjan arasyndaǵy ózara tıimdi yntymaqtastyqty damytýǵa yqpal etetinine senim bildirdi.