Ádilet mınıstrligi taǵy eki partıany tirkeýdi qarastyryp jatyr.
8 aqpanǵa deıin tirkelgen partıalar Májilis pen máslıhat saılaýyna qatysa alady. Bul týraly Ortalyq saılaý komısıasynyń otyrysynda aıtyldy, dep habarlaıdy Almaty-akshamy.kz
Ádilet vıse mınıstri Alma Muqanovanyń aıtýynsha, taǵy eki saıası partıaǵa tıisti rastama qujattary berildi.
«Eki saıası partıaǵa tıisti rastaý berildi, olar: «El taǵdyry», «Urpaqtar jalǵastyǵy» partıalary. Endigi kelesi kezeń – sıez ótkizý. Sondyqtan olardyń jedeldigine baılanysty, eger 8 aqpanǵa deıin tirkelip úlgerse, tıisti sheshim qabyldanady», - dedi Ádilet vıse-mınıstri.