Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine baılanys, sıfrlandyrý jáne aqparattandyrý salasynyń ınvestısıalyq ahýalyn arttyrý máseleleri boıynsha ózgerister men tolyqtyrýlar engizý týraly» Zańy ekinshi oqylymda qaralyp, qabyldandy, dep habarlaıdy almaty-akshamy.kz.
Qujat QR Parlamenti Májilisi depýtattarynyń bastamasymen ázirlendi. Zań aıasynda birqatar túzetý Memleket basshysynyń tapsyrmalaryn oryndaýǵa baǵyttalǵan. Ol 2024 jylǵy 29 qańtarda birinshi oqylymda maquldandy.
«Depýtattar usynǵan bastamalardyń ishinde birqatar mańyzdy normalardy erekshe atap ótkim keledi. Pılottyq joba aıasynda geostasıonarlyq emes spýtnıkterdi (StarLink, OneWeb) paıdalana otyryp, baılanys tehnologıalaryn engizý úshin erekshe retteý engiziledi. İlki jobanyń quqyqtyq jáne tehnıkalyq rejımderin baılanys salasyndaǵy ýákiletti organ jáne Ulttyq qaýipsizdik komıteti aıqyndaıdy. Bul shalǵaı aýyldardaǵy áleýmettik nysandardy ınternetpen qamtamasyz etýge múmkindik beredi», - dedi Májilis depýtaty Ekaterına Smyshláeva.
Sonymen qatar, zań aıasynda múgedektigi bar adamdardy qoldaý úshin baılanys salasyndaǵy ýákiletti organ baılanys operatorlarynyń jeńildikti tarıfter berý jónindegi mindettemelerin belgileıdi.
«Baılanys operatorlary óz jelilerinde habarlamalardyń keń formatty taralaýyn qamtamasyz etýge mindetti bolady. Iaǵnı, Almaty qalasynda bolǵan sıaqty jaǵdaılarda shuǵyl sms- habarlamalar týraly aıtyp otyrmyz», - dedi depýtat.
Onyń aıtýynsha, operatorlar jedel shtabtardyń qaramaǵyna olardyń suraýy boıynsha (áleýmettik sıpattaǵy, tabıǵı jáne tehnogendik sıpattaǵy tótenshe jaǵdaı týyndaǵan kezde, sondaı-aq tótenshe jaǵdaı engizilgen kezde) mobıldi baılanys stansıalaryn usynýǵa mindetti bolady. Máselen, dala órtteri aımaqtaryn baılanyspen qamtamasyz etý eskerilgen.
«Ulttyq bank janyndaǵy alaıaqtyq operasıalardyń aldyn alý jónindegi antıfrod ortalyǵyn qurý jáne onyń jumysy úshin quqyqtyq alań qurylady. Budan bólek, navıgasıalyq plombalar jáne temirjol kóligi úshin júkterdi qadaǵalaý júıeleri engiziledi», - dedi E. Smyshláeva.
Onyń sózine qaraǵanda, pılottyq joba aıasynda taraptardyń kelisimi boıynsha qarapaıym elektrondyq qoltańba jumys isteı bastaıdy. Bul shara pılottyq kezeńde sheteldik kompanıalar men ınvestorlardyń jumysy úshin engiziledi.
Munymen qosa, vırtýaldy baılanys operatorlarynyń ruqsat berý tártibi qarastyrylǵan.
Búgin qabyldanǵan qujat aıasynda geostasıonarlyq emes spýtnıktik júıeler arqyly baılanys qyzmetterin usynýdy lısenzıalaý is-sharalaryn júzege asyrmaq.
Aıta keteıik, osy aptada Qazaqstanǵa Starlink júıesiniń alǵashqy partıasy jetkizildi.
«Barlyǵy 20 kún ishinde 2000 jınaq keledi, olar eldegi 2000 shalǵaıdaǵy aýyl mektebin joǵary jyldamdyqty ınternetpen qamtamasyz etedi»,- dedi QR Sıfrlyq damý, ınnvoasıalar jáne aeroǵarysh ónerkásibi mınıstri Baǵdat Mýsın.