Májilis spıkeri Májilistiń qashan taraıtynyn aıtty.
Májilis tóraǵasy Erlan Qoshanov palatanyń jalpy otyrysynan keıin Parlament saılaýynyń qashan ótetinin aıtty, dep habarlaıdy Almaty-akshamy.kz QazAqparatqa silteme jasap.
«Prezıdent búkil elektoraldyq sıkldi jarıalap qoıǵan. Parlament saılaýy kelesi jyldyń birinshi jartyjyldyǵynda ótedi. Muny Prezıdent jarıalady. Árıne, sol saılaýdan keıin jańa Úkimet jasaqtalady. Naqty merzimine kelsek, Prezıdent qashan saılaýdy jarıalaıtynyn kútý kerek», - dedi spıker.
Sondaı-aq, saılaýdan keıin Úkimet qalaı jasaqtalatyny týraly pikir bildirdi.
«Kelesi jyldyń birinshi jartysynda qazirgi Májilis taratylady, jańa Májilis saılanady. Sodan keıin Úkimet aýysady. Aýysqanda, jańa quram jasaqtalady. Osy Úkimet qala ma, jańa Úkimet bola ma, ol týraly Prezıdent sheshim qabyldaıdy», - dedi Erlan Qoshanov.