Mektep dırektorlaryn arnaıy joǵary oqý oryndarynyń bazasynda magıstratýrada daıarlaý qajet.
Mundaı usynysty Májilis depýtaty Juldyz Súleımenova jasady, dep habarlaıdy Almaty-akshamy.kz QazAqparatqa silteme jasap.
«Memleket basshysy mindettegen 1 myń mekteptiń qurylysyn júzege asyrý aıasynda mektepti basqarý jáne bilimdegi kóshbasshylyqty qamtamasyz etý úshin, árıne, dırektorlar korpýsy qajet. Eger dırektor bolmasa, onda ol mekteptegi bilimniń sapasy týraly da, ol jerdegi olımpıada týraly da aıtý, bári de bekershilik. Sondyqtan, biz eń myqty, kóshbasshy, oqý prosesin jetik biletin mektep dırektorlaryn arnaıy joǵary oqý oryndarynyń bazasynda magıstratýrada daıarlaý qajet dep bilemiz», - dedi Májilis depýtaty respýblıkalyq tamyz konferensıasy barysynda.
Juldyz Súleımenova ınklúzıvti bilim berý júıesin jetildirý aıasynda turmysy nashar, áleýmettik osal toptardaǵy otbasy balalaryn tek mektep formasymen nemese resýrstyq qana emes, sonymen qatar olardyń zıatkerlik, mádenı, fızıkalyq damýyn da qamtamasyz etý qajettigin basa aıtty.