Qazaqstan Respýblıkasy Parlamenti Májilisiniń depýtaty, áleýmettik-mádenı damý komıtetiniń múshesi Janarbek Áshimjan Almatydaǵy metro beketteriniń ataýyn ózgertý jastardyń patrıotızmin damytýǵa septigin tıgizetinine senimdi dep habarlaıdy almaty-akshamy.kz
Almatyda metrostansalardyń qurylysy jalǵasýda. Máslıhat depýtattary qala ákimi Baqytjan Saǵyntaevtyń «Dostyq» pen bolashaqta «Zapadnyı» avtovokzaly atalýy tıis beketterin ózgertý týraly usynysyn qoldady. Olardy «B. Momyshuly» jáne «Qarasaı» ataý usynyldy.
«Bul durys sheshim! Biz Batyr, kórnekti jazýshy Baýyrjan Momyshulynyń esimin ulyqtaýymyz kerek. Áskerı oıshyl jáne teoretık polkovnık Momyshulynyń esimi fashısik Germanıany jeńýge úles qosqan Uly Otan soǵysynyń áskerı basshylarynyń qatarynda», - dedi májilis depýtaty.
J. Áshimjannyń aıtýynsha, ulttyq tarıhı eposta Qazaqstannyń batyrlary jarqyn tulǵalar retinde berilgen. Sondyqtan ótken ǵasyrlarda beınesi óshpegen batyr Qarasaı batyrdyń qurmetine basqa bekettiń atyn berý ádil bolar edi.
«Men Almatynyń batys qaqpasy Qarasaı aýdanymen shektesetinin atap ótkim keledi, sondyqtan Qarasaıdyń esimi metro stansaǵa berilýi oryndy», - deıdi halyq qalaýlysy Janarbek Áshimjan.
Dostyq beketi Abaı dańǵyly men Momyshuly kóshesiniń qıylysynda salynyp jatyr. Onyń tehnıkalyq iske qosylýy osy jyldyń sońyna josparlanǵan. «Zapadnyı» avtovokzal beketi Almaty oblysy Qarasaı aýdanynyń shekarasynda salynady.
Belgilengen tártip boıynsha Ákimdiktiń qaýlysy men Almaty qalasy máslıhatynyń sheshimi Respýblıkalyq onomastıkalyq komısıaǵa jiberiledi, onda túpkilikti sheshim qabyldanady.