Parlament Májilisiniń jalpy otyrysynda depýtat Bekbolat Tileýhannyń ókilettigi merziminen buryn toqtatyldy, dep habarlaıdy Almaty-akshamy.kz QazAqparatqa silteme jasap.
QR Ortalyq saılaý komısıasynyń múshesi Asylbek Smaǵulovtyń aıtýynsha, Májilis depýtaty Bekbolat Tileýhan mindetterin atqarýdan óz erkimen bosatý týraly ótinish bergen.
«Osyǵan oraı QR Ortalyq saılaý komısıasy sizderdiń nazarlaryńyzǵa zańnamaǵa sáıkes, Parlament Májilisiniń depýtaty Bekbolat Tileýhannyń ótinish berýine baılanysty onyń ókilettigin merziminen buryn toqtatý týraly máseleni sheshý úshin usynym engizip otyr», - dedi A. Smaǵulov.
Palata depýtattary bul usynymǵa qoldaý bildirdi.
Májilis tóraǵasy Nurlan Nyǵmatýlın B. Tileýhannyń jańa qyzmetindegi jumysyna tabys tiledi.