Májbúrlep ıelikten shyǵarylýǵa jatatyn jer ýchaskeleriniń tizbesi

Qazaqstan Respýblıkasy Jer kodeksiniń 84 babyna, Qazaqstan Respýblıkasynyń «Memlekettik múlik týraly» Zańyna sáıkes, «Almaty qalasy Naýryzbaı aýdany ákiminiń apparaty» komýnaldyq memlekettik mekemesiniń 2024 jylǵy 1 shildedegi № 01.4.456-B haty negizinde, Almaty qalasynyń ákimdigi QAÝLY ETEDİ:

1. № 1 qalalyq klınıkalyq aýrýhananyń aýmaǵyn keńeıtý úshin (mıneraldy sý uńǵymalary) Almaty qalasy, Naýryzbaı aýdanynda ornalasqan jer ýchaskelerin memleket muqtajy úshin alyp qoıýǵa baılanysty jer ýchaskelerin nemese ózge de jyljymaıtyn múlikti osy qaýlynyń qosymshasyna sáıkes májbúrlep ıelikten shyǵarý bastalsyn.

2. Májbúrlep ıelikten shyǵarý merzimi 2026 jyldyń 31 jeltoqsanyna deıin belgilensin.

3. Menshik ıesi júginetin oryn Almaty qalasy, Bostandyq aýdany, Abaı dańǵyly, 90, 801 keńse bolyp belgilensin.

4. Almaty qalasy ákiminiń apparaty osy qaýlyny qabyldanǵan kúninen bastap úsh jumys kúni ishinde Almaty qalasy ákimdiginiń ınternet-resýrsyn qosa alǵanda, jergilikti buqaralyq aqparat quraldarynda jarıalaýdy qamtamasyz etsin.

5. «Almaty qalasy Jer qatynastary basqarmasy» komýnaldyq memlekettik mekemesi:

1) zańnamamen belgilengen tártipte menshik ıesin habardar etsin jáne jer ýchaskeleriniń menshik ıesine ótemaqy tóleýdi qamtamasyz etsin;

2) jer ýchaskelerin nemese ózge de jyljymaıtyn múlikti memleket muqtajy úshin májbúrlep ıelikten shyǵarý boıynsha is-sharalardy aıaqtaǵannan

keıin jer ýchaskelerin «Almaty qalasy Naýryzbaı aýdany ákiminiń apparaty» komýnaldyq memlekettik mekemesiniń teńgerimine bersin;

3) Qazaqstan Respýblıkasynyń zańnamasymen qarastyrylǵan ózge de  qajetti sharalardy qabyldasyn. 

6. Osy qaýlynyń oryndalýyn baqylaý Almaty qalasy ákiminiń jetekshilik etetin orynbasaryna júktelsin.

 Almaty qalasynyń ákimi    E. Dosaev

Almaty qalasy ákimdiginiń

2024 jylǵy «13» jeltoqsan

№ 4/530-2686 qaýlysyna qosymsha

Májbúrlep ıelikten shyǵarylýǵa jatatyn jer ýchaskeleriniń tizbesi