2023 jyly ekranǵa shyqpaq
«Qazaqfılm» kınostýdıasynda asharshylyq týraly «Óliara» atty tolyqmetrajdy kórkem fılmi túsirildi, dep habarlaıdy Almaty-akshamy.kz kınostýdıanyń baspasóz qyzmetine silteme jasap.
«Óliara» kórkem fılminiń túsirilimi 2021 jylǵy 28 qazan men 7 jeltoqsan aralyǵynda Almaty oblysynda ótti. 2022 jyly shilde aıynda kınokartınanyń montajdaý-árleý kezeńi bastaldy.
Fılmniń senarı avtory Nurlan Sanjar, qoıýshy rejıseri Majarstan Respýblıkasynyń týmasy Tamash Tot. Fılmniń jelisi XX ǵasyrdyń 30-shy jyldaryndaǵy asharshylyq qasiretin baıandaıdy.
«Kartınanyń sújeti boıynsha Ishtvan Madár «saıası kinásin» óteý úshin qazaq jerinejiberiledi. Ol Qarabaıdyń jedel otrádyna túsip, kýlak malyn jedel izdeýmen jáne tárkileýmen aınalysady. Sol kezde óz kózimen asharshylyq pen jaýyngerlerdiń qatygezdigin kórip, tóńkeris týraly kózqarasyn ózgertedi. Ishtvan jergilikti turǵyndarǵa jaqtasyp, solarmen birge qyzyl ozbyrlyqpen kúresýge tyrysady. Bas keıipker aman qalyp, qazaq halqynyń uly qasireti týraly shyndyqty jetkizýge bar kúshin salady», -dedi fılmniń atqarýshy prodúseri Janserik Shonauly.
Fılmge eki eldiń tanymal akterleri qatysqan. Basty rólderde Majar eliniń teatr jáne kıno akteri Pıter Barna, belgili qazaqstandyq akterler Aldabek Shalbaev, ErjanNurymbet jáne basqalary oınaǵan.
Kartınanyń úlken ekrandarǵa shyǵýy 2023 jylǵa josparlanyp otyr.