Kenishtegi sońǵy qutqarýshynyń denesi tabyldy.
Qutqarýshynyń denesi saraptama júrgizý úshin jedel tergeý tobyna berildi, dep habarlaıdy aqshamnews.kz pavlodarnews.kz-ke silteme jasap.
Oblys ákimi Asaıyn Baıhanov İnstagram-daǵy paraqshasynda Aıyp Tileýbergenovtiń týystary men jaqyndaryna kóńil aıtty.
"Marqumǵa ıman baılyǵyn bersin. Búgin saǵat 16.20-da "Maıqaıyń-altyn" AQ taý-ken aýdanyndaǵy opyrylǵan jerde izdestirý jumystaryn júrgizý kezinde sońǵy qutqarýshy – júrgizýshi Aıyp Tileýbergenovtiń denesi tabyldy. Qaıǵyly oqıǵadan keıin jeti aı ýaqyt ótti. Osy ýaqyt ishinde qaza bolǵan jandardyń týystary sıaqty biz de joǵalǵan qutqarýshylardy tabamyz degen úmitte boldyq", - dedi aımaq basshysy.
Oblys ákimi joǵalǵan adamdardy tabý úshin kúndiz-túni jumys istegen barlyq janǵa alǵys aıtty.