Pavlodar oblysynda «Maıqaıyńaltyn» AQ aýmaǵynda bıylǵy jyldyń qańtar aıynyń basynda avtobýspen birge eski shahtanyń shuńqyryna qulap ketken tórt qutqarýshynyń úshinshisi – 36 jastaǵy Aıdos Shaımerdenniń máıiti tabyldy.
Bul aqparatty Aıdos Shaımerdenovtyń áıeli Nursulý Shaımerden rastady, dep habarlaıdy almaty-akshamy.kz.
Kásibı áskerılendirilgen avarıalyq-qutqarý jumystary qyzmeti respýblıkalyq ortalyq shtabynyń Pavlodar fılıaly qutqarýshynyń máıiti tótenshe jaǵdaıdan alty aı ótken soń, 19 shilde kúni tańerteń tabylǵanyn habarlady.
«Qutqarýshy Aıdos Shaımerdenniń máıiti tabyldy. Máıitpen birge onyń tósbelgisin de taptyq. Qazir máıit sot-medısınalyq saraptamaǵa jiberildi. Biz ony búgin, 19 shildede saǵat 06:15-te aldyn ala boljanǵan jerden taýyp, izdestirý jumystaryn júrgizdik, máıit saǵat 13:45-te ǵana shyǵaryldy», dedi «Kásibı áskerılendirilgen avarıalyq-qutqarý qyzmetteriniń respýblıkalyq ortalyq shtaby» JSHS Pavlodar fılıaly basshysynyń orynbasary Erlan Jarkimbekov.
Buryn habarlanǵandaı, izdeý sharalary 28 maýsymda qaıta jandandy.
Esterińizge sala keteıik, bıylǵy jyldyń 4 qańtarynda Pavlodar oblysynda «Maıqaıyńaltyn» AQ aýmaǵynda tórt taý-ken qutqarýshysy mingen avtobýs shahtany tazalaý keńistigine qulap ketken bolatyn. Sol kúni eki qutqarýshy óli tabylyp, jer betine shyǵaryldy. Jedel kóliktiń 55 jastaǵy júrgizýshisi Aıyp Tileýbergenov pen vzvod komandıriniń 36 jastaǵy orynbasary Aıdos Shaımerdenniń denesi osy ýaqytqa deıin jer astynda bolǵan.