Maıqaıyńda izdeý-qutqarý jumystary búgin qaıta jalǵasty.
Bul sharaǵa endi ken baıytý kombınaty jaýapty, dep habarlaıdy Almaty-akshamy.kz.
Kásiporynnyń bas dırektory Qýanysh Botınniń aıtýynsha, ondaǵan tehnıka men 20-ǵa tarta adam bólingen. Qazir joǵarydan shyńyraýdyń túbine aparatyn joldy keńeıtý jumystary júrip jatyr. Budan soń, tehnıka ornyǵatyn aýmaqty ulǵaıtyp, qýaty kúshti úlken ekskavatorlardyń jumys isteýine múmkindik beriledi.
Esterińizge sala keteıik, 4 qańtarda «Maıqaıyńaltyn» ken baıytý fabrıkasyna qarasty shahta aýmaǵyndaǵy kólik joly opyrylyp ketip, 4 adam otyrǵan avtobýs shyńyraýǵa qulaǵan bolatyn. Opat bolǵan eki qutqarýshynyń denesi syrtqa shyǵaryldy.