Jeńistiń 80 jyldyǵyna oraı Qazaqstan Respýblıkasy Mádenıet jáne aqparat mınıstrligi maıdanger qalamgerlerdiń shyǵarmasyn aýdıokitap formatynda ázirledi.
Aýdıokitaptar qataryna Baýyrjan Momyshulynyń «Moskva úshin shaıqas», Ádı Sháripovtiń «Partızan qyzy», Dıhan Ábilovtiń «Maıdanbek», Kemel Toqaevtyń «Soldat soǵysqa ketti», Qasym Amanjolovtyń «Aqyn ólimi týraly ańyz», Taıyr Jarokovtyń «Zoıa týraly jyr» jáne Tahaýı Ahtanovtyń «Qaharly kúnder», Ábý Sársenbaevtyń «Aqsha bult» atty eńbekteri endi, dep habarlaıdy aqshamnews.kz.
Sonymen qatar Ábdijámil Nurpeıisovtiń «Kútken kún» jáne Qasym Qaısenovtiń «Partızan soqpaqtary» shyǵarmalarynyń aýdıo-nusqasy ázirlenip jatyr.
Atalǵan bastama maıdanger qalamgerlerdiń ult rýhanıatyna qosqan úlesin nasıhattaýǵa jáne jas urpaqqa patrıottyq tárbıe berýge baǵyttalǵan.
Oqyrman aýdıokitaptardy Qazaqstan Ulttyq elektrondy kitaphanasynan tyńdaı alady.
Kitaptardy M. Bolatuly, Q. Ahmetjanov, Sh. Úrkimbaev, B. Sabyr, B. Seıitmamytuly, B. Bekmaǵambetov syndy belgili dıktorlar dybystady.