Jarysqa 8 memleketten 170-ten astam boksshy qatysyp jatyr
Bokstan Astanada ótip «Elorda kýbogynda» 57 kelide Mahmud Sabyrhan jartylaı fınalǵa shyqty, dep habarlaıdy almaty-akshamy.kz.
Álem chempıony shırek fınaldyq básekede Ózbekstan quramasynyń boksshysynan basym tústi. Olımpıada aldyndaǵy mańyzdy jarysty óziniń baby men áleýetin kórsetken bylǵary qolǵap sheberi endi fınalǵa shyǵar joldamany sarapqa salady.
Búgin Sáken Bıbosynov alǵashqy jekpe-jeginde Ózbekstan boksshysyn utsa, Serik Temirjanov úndistandyq sportshyny 5:0 esebimen jeńdi. Sondaı-aq, Tımýr Qabdesh 54 kelide úndi sportshysyn qapy qaldyrdy. Osy salmaqta óner kórsetip jatqan Kárim Serkebaev japon boksshysyn jarys jolynan shyǵardy.
Elordada úshinshi ret ótip jatqan halyqaralyq týrnırge 8 memlekettiń quramasy qatysýda. Týrnır jeńimpazdary aqshalaı syılyqqa ıe bolady.