Ázirge qaldyqtar úshin naqty oryn belgilengen joq.
QR Energetıka mınıstri Maǵzum Myrzaǵalıev Ortalyq komýnıkasıalar qyzmetinde ótken brıfıńte AES salynýy yqtımal oryndarǵa sıpattama berdi, dep habarlaıdy Almaty-akshamy.kz
«Bul másele 2013 jyldan beri talqylanyp keledi. Segiz jyldan beri osy maqsatta ártúrli jer ýchaskeleri olardyń seısmıkalyq ahýalyna, jeliler sıaqty ınfraqurylymnyń bolýyna jáne árıne, tutynýǵa negizdele otyryp zerdelendi. Al, qazir eki oryn bar. Biz olar týraly birneshe ret aıttyq, bir lokasıa - Balqashtyń janyndaǵyÚlken eldi mekeni bolsa, ekinshisi - Kýrchatov qalasy», - dedi Maǵzum Myrzaǵalıev jýrnalıserdiń suraǵyna bergen jaýabynda.
Energetıka mınıstriniń aıtýynsha, atalǵan lokasıalar seısmıkalyq qaýipsizdigi boıynsha iriktelip otyr.
«Úlken lokasıasy ınfraqurylymnyń bolýy turǵysynan qaraǵanda, qyzyqtyraq, basymyraq kórinedi. Óıtkeni ol jerden kerneýi 500 kılovolt bolatyn «Soltústik-Ońtústik» elektr tasymaldaý jelisi ótedi. Al Úlken kenti bizdiń negizgi energıa tutynýshylarymyz – ońtústik óńirlerge jaqyn. Biraq oryndy tańdaý týraly túpkilikti sheshim áli qabyldanbaǵanyn atap ótken jón. Dese de, bul jumys bastalyp ketti. «Samuryq-Qazyna» qory tıisti zertteýler men esep júrgizý úshin jobalyq top uıymdastyrdy», - dedi vedomstvo basshysy.
Mınıstr, sondaı-aq, AES qyzmetinen paıda bolatyn óndiris qaldyqtaryn saqtaý ornyn tańdaý máselesine túsinikteme berdi.
«Bul da - tıisti jobalyq toptyń aldynda turǵan mindetterdiń biri. Iaǵnı, ol jerde biz tek ýchaskeni ǵana emes, tehnologıalardy da anyqtaýymyz kerek. Qýatyn anyqtaýymyz kerek, sodan keıin saqtaý máselesin sheshýimiz kerek. Ázirge qaldyqtar úshin naqty oryn joq», - dedi Maǵzum Myrzaǵalıev.