Bilim jáne ǵylym vıse-mınıstri Qýanysh Erǵalıev joǵary bilim berý sapasyn arttyrýda alda atqarylatyn sharalar josparymen áleýmettik jelide tanystyryp ótti
Onyń jazýynsha, 2025 jylǵa qaraı tehnıkalyq baǵyttar boıynsha kadrlar daıarlaýǵa basa nazar aýdara otyryp, granttar sany 75 myńǵa deıin ulǵaıtylady. Tehnıkalyq jáne IT baǵyttarǵa granttar 40%-dan 60%-ǵa deıin ósedi, dep habarlaıdy Almaty-akshamy.kz Elorda.info-ǵa silteme jasap.
«Mańǵystaý jáne Atyraý oblystarynyń mektep túlekterine granttar bólý josparlanyp otyr. Granttar bólý arqyly jastar men talantty balalardy qoldaýǵa erekshe kóńil bólinedi, sondaı-aq "Erkin grantty" engizý josparlanýda. 2025 jylǵa qaraı stýdentterge, magıstranttar men doktoranttarǵa stıpendıa mólsheri 1,5 ese ósedi», – dep jazdy Qýanysh Erǵalıev.
Sonymen birge, 2023 jylǵa qaraı standarttalǵan testileýdi engizý arqyly joǵary oqý oryndaryna qabyldaý rásimi jańǵyrtylyp jatyr. Talapkerlerdi qabyldaý sapasyn jaqsartý úshin 2022 jyly "pedagogıkalyq ǵylymdarǵa" shekti bal 80 balǵa, "quqyqqa" 75 balǵa (2021 jyly – 50 balǵa) deıin kóteriledi.
UBT nátıjeleri boıynsha kolejderge qabyldaý máselesi pysyqtalýda. Joǵary oqý oryndaryna magıstratýraǵa qabyldaý kezinde óz emtıhanyn ótkizý múmkindigi beriledi.