Jartylaı fınalda japonıalyq Narýha Masýıýkıden basyp tústi.
Qazaqstandyq burymdy balýan Madına Baqbergenova áıelder kúresinen Azıa chempıonatynyń fınalyna joldama aldy, dep habarlaıdy Almaty-akshamy.kz Olympic.kz silteme jasap.
68 keliniń altyn medalin qyrǵyzstandyq sportshy, Tokıo Olımpıadasynyń qola júldegeri Meırim Jumanazarovamen sarapqa salady.
Madına Baqbergenova jartylaı fınalda japonıalyq Narýha Masýıýkıden basym túsip, fınalda kúresýge múmkindik aldy.
Aıta keterligi, 76 kelide bozkilemge shyqqan Gúlmaral Erkebaeva qurlyq dodasynyń qola júldesi úshin baǵyn synaıdy. Onyń jubanysh beldesýindegi qarsylasy Mońǵolıa balýany Arıýnjargal Ganbat bolmaq.