Almaty ákimi Erbolat Dosaev Qazaqstan prezıdenti Qasym-Jomart Toqaevqa esep berý barysynda Almatynyń 2040 jylǵa deıingi Bas josparynda qarastyrylǵan megapolıstiń kólik qurylymyn ázirleý týraly aıtty.
Ol qoǵamdyq kólik jelisimen biriktirilgen 5 jańa polıortalyqtardy qurýdy kózdeıdi, dep habarlaıdy Almaty-akshamy.kz.
«Bolashaq kólik qurylymynyń negizi halyqtyń 75% – y úshin jaıaý júrginshilerge qoljetimdi jyldamdyqty qoǵamdyq kólik – metro, LRT jáne BRT bolady. Bul jolaýshylardyń qozǵalys jyldamdyǵyn 20-30% - ǵa arttyrýǵa múmkindik beredi», - dedi Erbolat Dosaev.
Almaty ákimi júrdek kólikti damytý esebinen qalalyq marshrýttarǵa júkteme tutastaı tómendeıtinin atap ótti: olar negizgi emes, tasymaldaýshy ról atqara bastaıdy, bul rette qozǵalys aralyǵy qazirgi 30-dan 5-10 mınýtqa deıin tómendeıdi.
Josparlanǵan ózgeristerdi eskere otyryp, 2025 jyly kúndelikti jol júrý sanynyń 1,4 mln-nan 1,7 mln-ǵa deıin ósýi kútilýde.