Azamattar men memlekettik organdardan kelip túsken ótinishterge oraı Qazaqstan Respýblıkasy Týrızm jáne sport mınıstrligi 2023 jyly eki márte – mamyr jáne qarasha aılarynda lotereıa operatory – «Sátti Juldyz» AQ-ǵa lotereıa klýbtarynyń jumysyn jáne elektrondy jyldam lotereıany uıymdastyrýdy jetildirý boıynsha usynymdar joldady.
Mınıstrliktiń 2024 jylǵy 20 qańtardaǵy sońǵy usynymdaryna sáıkes 2024 jylǵy 30 qańtardan bastap respýblıka aýmaǵynda «Lotomatic» termınaldary/kıoskileri arqyly elektrondy jyldam lotereıany taratý ýaqytsha toqtatyldy, dep habarlaıdy almaty-akshamy.kz.
Alaıda, keıbir jerlerde «Lotomatic» «sary-kók» resmı termınaldaryna uqsas bezendirilgen jalǵan apparattar zańsyz jumys jasaýy múmkin. Osyǵan oraı azamattardy qyraǵy bolýdy jáne zańsyz lotereıa termınaldarynyń qyzmetterin paıdalanbaýdy, sondaı-aq zańsyz jumys istep turǵan «Lotomatic» kıoskileri nemese lotereıa termınaldaryn baıqasańyz Mınıstrliktiń Telegram (https://t.me/stop_online_casino_bot) jáne WhatsApp (+7 707 9071507) chat-botyna habarlaýdy suraımyz. Árbir ótinish lotereıa operatory men quqyq qorǵaý organdarymen birlese otyryp muqıat qaralatyn bolady. Quqyq buzýshylar jaýapkershilikke tartylady. Mınıstrlik memlekettik organdar qoǵam ókilderiniń kómegimen elektrondy lezdik lotereıalardyń zańsyz qyzmetin toqtatyp, azamattardyń quqyqtary men múddelerin qorǵaı alatynyna senimdi.