Qazaq mádenıeti men óneri tanystyryldy
Koronavırýs pandemıasy bastalǵannan beri alǵash ret Ulybrıtanıa astanasynda Naýryz meıramy oflaın formatta atalyp ótti, dep habarlaıdy Almaty-akshamy.kz QazAqparatqa silteme jasap.
Qazaqstannyń Ulybrıtanıadaǵy Elshiliginiń qoldaýymen London Ýnıversıtettik kolejiniń qazaq stýdentter qoǵamy uıymdastyrǵan Naýryz merekesinde qazaq mádenıeti men óneri tanystyryldy. Aýǵanstan, Ázerbaıjan, Iran, Qyrǵyzstan, Tájikstan, Túrikmenstan, Túrkıa, Ózbekstan ókilderi, sondaı-aq uıǵyr dıasporasy Ortalyq Azıa kóktem festıvaline qatysty. Merekeli is-sharaǵa brıtan astanasynyń myńdaǵan turǵyndary men qonaqtary qatysty. Merekelik konsert aıasynda Qazaqstan Elshiliginiń ókilderi qazaq halyq ánderin, sondaı-aq tanymal zamanaýı kompozısıalardy oryndady. Ulttyq stendte zergerlik buıymdar, ulttyq kıim, turmystyq zattar, ulttyq taǵamdar, sondaı-aq Qazaqstannyń tarıhy, mádenıeti jáne qazirgi zamany týraly kitaptar men broshúralar usynyldy.
