Qazaqstan quramasy Ýnıversıadany on birinshi orynmen aıaqtady
AQSH-tyń Leık-Plesıd qalasynda ótken 2023 jylǵy qysqy Ýnıversıadada Qazaqstannyń stýdenttik quramasy on bir júlde jeńip aldy, dep habarlaıdy Almaty-akshamy.kz.
Atalǵan nátıje elimiz quramasyna jalpy esepte 11-shi orynǵa shyǵýǵa múmkindik berdi. Atap aıtqanda, Bekentaı Turlybekov (bıatlon), Vadım Kýrales (bıatlon) jáne Danıl Vasılev (shańǵymen sekirý) Ýnıversıada-2023 chempıony atandy. Kúmis júldeni short-trek (erler jáne aralas) jáne shańǵymen tramplınnen sekirý (erler) boıynsha Qazaqstan quramalary, Aleksandr Mýhın (bıatlon) jeńip aldy. Qola júldeni hokeıden Qazaqstan erler quramasy, bıatlonnan áıelder quramasy, Aleksandr Mýhın (bıatlon) jáne Ksenıa Shalygın (bıatlon) jeńip aldy.
Ýnıversıada-2023 qorytyndysy boıynsha, jalpykomandalyq esepte Japonıa quramasy 48 medalmen jeńiske jetti. Ońtústik Koreıa 29 júldemen ekinshi bolsa, Kanada 13 júldemen úzdik úshtikti túıindedi.