Laýazymdylardyń halyqpen kezdesý tártibin bekitetin Jarlyq shyqty

Mundaǵy maqsat – qazaqstandyq qoǵamdy odan ári demokratıalandyrý, halyqtyń elde júrgizilip jatqan reformalar týraly habardar bolýyn arttyrý.

QR Prezıdenti Qasym-Jomart Toqaev Ortalyq atqarýshy organdar basshylarynyń halyqpen kezdesý ótkizý tártibi týraly jańa Jarlyqqa qol qoıdy, dep habarlaıdy Almaty-akshamy.kz Aqordanyń resmı saıtyna silteme jasap.

QAZAQSTAN RESPÝBLIKASY PREZIDENTİNİŃ JARLYǴY

Ortalyq atqarýshy organdar basshylarynyń halyqpen kezdesýlerin ótkizý týraly

«Qazaqstan Respýblıkasynyń Prezıdenti týraly» Qazaqstan Respýblıkasy Konstıtýsıalyq zańynyń 10, 17 jáne 21-baptaryna sáıkes jáne qazaqstandyq qoǵamdy odan ári demokratıalandyrý, halyqtyń elde júrgizilip jatqan reformalar týraly habardar bolýyn arttyrý, atqarýshy organdardyń halyq aldyndaǵy jaýaptylyǵy men eseptiligin kúsheıtý, memlekettik basqarý prosesine halyqty keńinen tartý maqsatynda QAÝLY ETEMİN:

1. Ortalyq atqarýshy organdardyń (Qazaqstan Respýblıkasynyń Qorǵanys, Syrtqy ister mınıstrlikterin qospaǵanda) basshylary jyl boıy halyqpen turaqty kezdesýler ótkizsin.


2. Ortalyq atqarýshy organdar basshylarynyń halyqpen kezdesýleriniń kestesin (budan ári – keste) qalyptastyrý men bekitýdiń mynadaı tártibi belgilensin:

1) jyl saıyn 1 jeltoqsanǵa deıin ortalyq atqarýshy organdar aldaǵy kúntizbelik jylǵa arnalǵan kesteni qalyptastyrý úshin aqparatqa qol jetkizý salasyndaǵy ýákiletti organǵa usynystar jibersin;

2) jyl saıyn 15 jeltoqsanǵa deıin aqpa­ratqa qol jetkizý salasyndaǵy ýákiletti organ kesteniń jobasyn Qazaqstan Respýblıkasy Premer-Mınıstriniń Keńsesine engizsin;

3) jyl saıyn 10 qańtarǵa deıin Qazaqstan Respýblıkasynyń Úkimeti kesteni bekitsin.

3. Ortalyq atqarýshy organdardyń (Qazaqstan Respýblıkasynyń Qorǵanys, Syrtqy ister mınıstrlikterin qospaǵanda) basshylary:

1) qandaı da bir óńirde jetekshilik etetin salada jaǵdaıdyń nasharlaý táýekelderi boljanǵan ne týyndaǵan jaǵdaıda, halyqpen kesteden tys kezdesý ótkizsin;

2) tehnıkalyq múmkindikterdi eskerip, halyqtyń áleýmettik jelilerdegi resmı akkaýnttarda pikir bildirý múmkindigin mindetti túrde bere otyryp, onlaın-translásıalar, sondaı-aq qajet bolǵan jaǵdaıda beınekonferensbaılanys uıymdastyrý arqyly kezdesýler ótkizýdi qamtamasyz etsin;

3) kezdesý úshin josparlanǵan ýaqyttyń tórtten birden aspaıtyn   bóligin – baıandamany tanystyryp, ýaqyttyń qalǵan bóligin «suraq-jaýap» formatynda ótkizsin;

4) kezdesýler ótkizýdiń barlyq kezeńinde aqparatqa qol jetkizý salasyndaǵy ýákiletti organmen turaqty aqparattyq ózara is-qımyldy qamtamasyz etsin;

5) halyqpen kezdesý ótkizgenge deıin:

halyqtyń pikirin eskere otyryp, ony ótkizý kúni men ýaqytyn aıqyndaýdy;

resmı ınternet-resýrstarǵa, ortalyq atqarýshy organdar basshylarynyń blog-platformasyna, komýnıkasıanyń basqa da nysandaryna jáne ákimderdiń halyqpen kez­desýleriniń qorytyndylary boıynsha halyq­tan kelip túsken suraý salýlar men usy­nys­tardy jınaýdy, taldaýdy qamta­masyz etsin;

6) halyqpen kezdesý ótkizý sheńberinde:

azamattarǵa jeke qabyldaý júrgizýdi;

komersıalyq emes uıymdarmen kezdesýlerdi;

buqaralyq aqparat quraldaryna arnalǵan brıfıńti qamtamasyz etsin;

7) halyqpen kezdesý ótkizgennen keıin:

aıtylǵan barlyq problemalyq máse­lelerdi júıeleýdi;

kezdesýler men azamattardy qabyldaý aıaqtalǵan kúnnen bastap kúntizbelik on kúnnen keshiktirmeı, ótkizilgen kezdesýlerdiń qorytyndylary týraly aqparatty, prob­lemalyq máselelerdiń tizbesin, problemalyq máselelerdi sheshýdiń naqty merzimderin, jaýapty oryndaýshylardy kórsete otyryp, olardy sheshý jónindegi is-qımyl josparyn buqaralyq aqparat quraldarynda, onyń ishinde resmı ınternet-resýrstarda  ornalas­tyrýdy;

kezdesýlerde halyq kótergen problemalyq máselelerdi sheshý barysy týraly aqparatty ortalyq atqarýshy organnyń resmı ınternet-resýrsynda toqsan saıyn ornalastyrýdy qamtamasyz etsin.

4. Barlyq deńgeıdegi ákimder:

1) ortalyq atqarýshy organdar basshy­lary­nyń halyqpen kezdesýlerine qatyssyn;

2) kezdesýler ótkizýdi, onyń ishinde buqa­ralyq aqparat quraldarynda jáne ákim­dikterdiń (ákim apparattarynyń) resmı ak­kaýnttarynda, áleýmettik jelilerde jáne jalpyǵa birdeı qoljetimdi jerlerde aqpa­rat­tyq-nasıhat jumystaryn uıymdastyrýda ortalyq atqarýshy organdarǵa qoldaý kór­setsin;

3) ákimderdiń halyqpen kezdesýleriniń qorytyndylary boıynsha óńirdiń ortalyq atqarýshy organdar, ulttyq holdıńter men kompanıalar deńgeıinde sheshýdi talap etetin júıeli problemalaryn jınaqtap-qorytsyn jáne kezdesýler ótkizý kezinde esepke alý úshin jarty jylda bir ret quzyreti boıynsha ortalyq atqarýshy organdarǵa jibersin.

5. Aqparatqa qol jetkizý salasyndaǵy ýákiletti organ:

1) respýblıkalyq buqaralyq aqparat quraldarynda kezdesýler ótkiziletinin habarlaýdy jáne olardyń ótkizilý barysy men nátıjelerin keńinen aqparattyq jarıa etýdi;

2) ortalyq atqarýshy organdar qyz­me­tiniń tıimdiligin jyl saıynǵy baǵalaý sheń­berinde kezdesýler ótkizý nátıjelerin esepke alýdy;

3) halyqpen kezdesýler ótkizý jónindegi ádistemelik usynymdardy bekitýdi jáne ortalyq atqarýshy organdardyń nazaryna jetkizýdi qamtamasyz etsin.

6. Qazaqstan Respýblıkasynyń Úkimeti:

1) kezdesýler ótkizýdiń qorytyndylaryn jartyjyldyq negizde qarasyn;

2) áleýmettik shıelenistiń jáne qoǵamdyq-saıası jaǵdaıdyń turaqsyzdanýynyń joǵary táýekelderi bolǵan jaǵdaıda, ortalyq atqa­rýshy organdardyń kezdesýlerine Qazaq­stan Respýblıkasy Premer-Mınıstri oryn­ba­sarlarynyń qatysýyn qamtamasyz etsin;

3) ortalyq atqarýshy organdardyń birinshi basshylary orynbasarlarynyń jáne vedomstvolary tóraǵalarynyń halyqpen turaqty kezdesýler ótkizýin qamtamasyz etsin;

4) osy Jarlyqty iske asyrý jóninde ózge de sharalar qabyldasyn.

7. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.


8. Osy Jarlyq alǵashqy resmı jarıa­lanǵan kúninen bastap qoldanysqa engiziledi.