Onyń aıtýynsha, bul baǵyttaǵy jumystarǵa barynsha jaýapkershilikpen qaraý kerek
Latyn álipbıine kóshý toqtap qalmaıdy. Májilis depýtaty Erlan Saıyrovtyń pikirinshe, Prezıdent Quryltaıda qazaq tiline qatysty óte oryndy másele kótergenin aıtty, dep habarlaıdy Almaty-akshamy.kz Almaty.tv –ge silteme jasap.
Onyń aıtýynsha, bul baǵyttaǵy jumystarǵa barynsha jaýapkershilikpen qaraý kerek. Sondyqtan ary qaraı latyn qarpine aýysý baıyppen jalǵasatynyn jetkizdi. Memleket basshysy da kırıllısadan latyn álipbıine tek sáıkes áripterdi ózgertý arqyly kóshýge bolmaıtynyn aıtqan bolatyn.
«Qazirge deıin kirgizgen modelderdiń barlyǵy halyqaralyq standartqa latynnyń óziniń logıkasyna sáıkes kelmeı jatyr ǵoı. Sondyqtan bul másele konservasıa emes, kersinshe, yjdahattylyq kerek. Erteń latyn álipbıin engizgennen keıin jańa problema bolmaıyndaı jan-jaqty qarastyryp, tezirek sheshýdiń amalyn aıtyp otyr», – dedi QR Parlamenti Májilisiniń depýtaty Erlan Saıyrov.
Al depýtat Amanjol Áltaev Prezıdent aıtqan elimizdiń jańa tarıhyn jazý kerek degen usynysyn quptap otyr. Óıtkeni onyń pikirinshe, ult tarıhy túbegeıli zerttelip bolǵan joq. Bul baǵytta jas urpaqqa shynaıy tarıhty jetkizetin tarıhshylardyń moınynda úlken mindet tur dep sanaıdy.
«Ózderińiz jaqsy bilesizder, Keńes úkimeti kezindegi tarıhymyz ulanǵaıyr bolsa da, pyshaqtyń qabyndaı ǵana oqýlyǵy bar halyqpyz ǵoı. Sondyqtan tarıhtyń áli zerttelmegen, zertteýdi qajet etetin aqtańdaq betteri kóp. Tarıhtyń árbir kezeńderine biz naqty baǵa berip, shyndyq – táýelsiz Qazaqstannyń kózqarasymen zerttelýi óte mańyzdy», – dedi QR Parlamenti Májilisiniń depýtaty Amanjol Áltaev.