Psıholog kúzgi kúızeliske tán birneshe belgini atady
Kúzde kúnniń qysqarýy, D dárýmeniniń jetispeýshiligi jáne uzaq kútiletin demalysqa deıingi ýaqyttyń uzaqtyǵy adamnyń emosıonaldy jaǵdaıyna keri áser etip, maýsymdyq kúızeliske ákelýi múmkin, - dep habarlaıdy Aqshamnews.kz tilshisi.
Bul týraly psıholog Olga Romanıv Life.ru saıtyna bergen suhbatynda aıtty.
Mamannyń aıtýynsha, kúzgi depressıanyń negizgi belgileriniń biri - zeıin qoıýdyń qıyndaýy men uıqyshyldyqtyń artýy. Sebebi kúz mezgilinde adamnyń tabıǵı bıologıalyq yrǵaqtary buzylyp, melatonın (uıqy gormony) erte bóline bastaıdy. Sonyń saldarynan tipti 8 saǵat uıyqtaǵan adamnyń ózi sharshańqy kúıde oıanady.
Kúızelistiń basqa da belgileri bar. Olar:
- Taǵamǵa degen qatynastyń ózgerýi – tábettiń tómendeýi nemese kerisinshe, artyq tamaqtaný;
- Hobbıge, kúndelikti qýanysh syılaıtyn isterden sýyp ketý;
- Týystarmen jáne dostarmen aralasýǵa degen qulshynystyń joıylýy.
Olga Romanıv kúzgi kúızelisti jeńý úshin mynadaı paıdaly daǵdylardy ustanýǵa keńes beredi:
Keshki 23:00-ge deıin uıyqtap, keminde 8 saǵat úzdiksiz uıyqtaý;
Kún saıyn taza aýada keminde 1 saǵat serýendeý;
Kókónis, jemis-jıdek, jasyl shópter men ashytylǵan sút ónimderin tutynýdy arttyrý;
Jumys ornynda jáne úıde tabıǵı jáne jasandy jaryqtyń jetkilikti bolýyn qadaǵalaý;
Jaqyn adamdarmen qarym-qatynasty úzbeý, tipti, sóılesýge kóńil soqpasa da, aralasýǵa tyrysý.
Maman kúzgi kúızelisti ýaqytynda baıqap, aldyn alý – psıhıkalyq densaýlyqty saqtaýdyń mańyzdy qadamy ekenin eskertedi.