Depýtat Asqat Aımaǵambetov muǵalimderge qatysty mańyzdy jańalyqty bólisti, - dep habarlaıdy Aqshamnews.kz.
Onyń aıtýynsha, pedagogtardyń quqyqtaryn qorǵaýǵa baǵyttalǵan jańa zań jobasy ázirlenip, Úkimetke joldandy.
Jańa qujatta pedagogtardyń kásibı mindetine jatpaıtyn jumystardan bosatylýy naqty qarastyrylǵan.
"Muǵalimniń basty jumysy – bilim berý. Ol mobılograf, bloger, kúzetshi nemese chat moderatory bolmaýy kerek", – dep atap ótti depýtat.
Negizgi ózgerister qandaı?
Artyq esepke – toqtam. Qaǵaz nemese sıfrlyq eseptiń tek bir túri ǵana toltyrylady. Bir júıege engizilgen málimet birneshe platformalarda qaıtalanbaýy tıis.
Muǵalim bloger bolýǵa mindetti emes. Post jazý nemese áleýmettik jeli júrgizý – tek muǵalimniń erkimen.
Chattar men habarlamalarǵa shekteý. Habar almasý tek resmı LMS platformalar men elektrondy poshta arqyly júrgizilýi tıis. Muǵalim táýlik boıy chatta otyrmaıdy.
Mektepten tys jaǵdaıǵa muǵalim jaýap bermeıdi. Ol kúzetshi de, tergeýshi de emes.
"Muǵalimge tán emes fýnksıalar" uǵymy zańmen bekitiledi. Iaǵnı eńbek kelisimshartynda kórsetilmegen mindetterdi júkteýge tyıym salynady.
Ata-ana men mektep arasyndaǵy kelisimniń mártebesi artady. Barlyq taraptar tárbıe isinde ortaq jaýapkershilik alýy tıis.
Muǵalim mártebesin buzǵandarǵa aıyppul kúsheıedi.
Fızıkalyq jáne psıhologıalyq zorlyqqa – nóldik tózim. Zań jobasynda pedagogqa qysym kórsetýge múldem tyıym salynatyn arnaıy norma engizilgen.
Asqat Aımaǵambetov bul bastamanyń muǵalim mártebesin arttyrýǵa jáne bilim berý salasyndaǵy ádilettilikti nyǵaıtýǵa baǵyttalǵanyn atap ótti.