Almaty qalasynda respýblıkalyq "Jolda qabyldaý" naýqanynyń kezekti kezeńi aıaqtaldy.
Eki kún ishinde polısıanyń stasıonarlyq qabyldaý pýnktterine 200-den astam qala turǵyny men qonaqtary júgindi, - dep habarlaıdy Aqshamnews.kz.
Polisia.kz málimetinshe, azamattardy negizinen jol qaýipsizdigine qatysty suraqtar qyzyqtyrdy, sondaı-aq kóshi-qon saıasaty men polısıa qyzmetiniń ózge de baǵyttary boıynsha keńester berildi.
- Almatylyqtar úshin "Jolda qabyldaý" jobasy mańyzdy. Azamattar bul kezdesýlerdi kútedi, sebebi ol polısıamen ashyq ári senimdi dıalog ornatýdyń tıimdi alańy. Biz úshin turǵyndardyń suraqtaryn tyńdap, birge sheshim izdeý mańyzdy. Osyndaı ashyq jumys formaty ózara senimdi nyǵaıtyp, qalamyzda qaýipsizdik mádenıetin qalyptastyrýǵa yqpal etedi, – dedi Almaty qalalyq PD ákimshilik polısıa basqarmasynyń bastyǵy Asqat Qulbaev.
Naýqan óziniń tıimdiligin dáleldedi jáne Memleket Basshysy jarıalaǵan "Profılaktıka jyly" men "Zań jáne tártip" qaǵıdaty aıasynda jalǵasyn tabady.