Jasóspirimderge salýǵa bolatyn álemdegi jalǵyz vaksına amerıkalyq Pfizer Qazaqstanǵa jyldyń sońynda ákelinedi dep josparlanyp otyr.
Qazan aıynan bastap 2 mıllıon jasóspirim koronavırýsqa qarsy ekpe alady, dep habarlaıdy Almaty-akshamy.kz
QR Densaýlyq saqtaý mınıstri Alekseı Soıdyń aıtýynsha, 12 men 18 jas aralyǵyndaǵy balalar men jasóspirimderge ata-anasynyń nemese asyraýshysynyń ruqsatymen ǵana ekpe salynady.
Alekseı Soı qazir myńdaǵan azamat balalaryna vaksına salǵyzýdy surap otyrǵanyn aıtty. Óıtkeni, vırýstyń «delta» shtamy tek eresekter ǵana emes, balalardyń arasynda da jyldam taralýda.
Dál osy mýtasıalyq vırýstan Soltústik Qazaqstan oblysynda taıaýda 1 jastan asqan bóbek qaıtys boldy. Dárigerler kishkentaı balaǵa vırýs ata-anasynan juqqanyn habarlady. Jyl basynan beri Qazaqstanda 34 myń bala koronavırýs juqtyryp, onyń ekeýi kóz jumǵan. Qazir 558 bala stasıonarlyq aýrýhanada emdelip jatyr. Vırýs juqtyrǵan jańa týǵan 13 náreste dárigerlerdiń baqylaýynda bolsa, 4 sábıdiń jaǵdaıy aýyr.
Densaýlyq saqtaý mınıstri Alekseı Soı jasóspirimderge vaksına salý arqyly balalardyń ǵana emes, vaksınaǵa qarsy kórsetilimi bar eresekterdiń de ómirin saqtap qalýǵa bolatynyn málimdedi. Aıta keteıik, Pfizer ekpesi 12 jasqa tolmaǵan balalarǵa salynbaıdy.