Ormanshylar ashýly aıýdyń kózin joıdy
Kýrıldegi Itýrýp aralynda 33 jastaǵy jergilikti turǵyndy aıý talap óltirdi. Ormanshylar ashýly aıýdyń kózin joıǵanyn málimdedi, Almaty-akshamy.kz.
RIA Novostı agenttiginiń málimetinshe, marqum bolǵan er adam senbide úsh dosymen birge mıkroavtobýspen tabıǵatqa shyqqan. Reıdovo eldimekeninen jıyrma shaqyrymdaı jerde kólikteri buzylyp qalǵan.
Er adamdar ózderine kelgen qutqarýshylarǵa tótenshe jaǵdaı týraly habarlaǵan. Bul ýaqytta aralaryndaǵy bir jigit kómek izdep ketip, sol boıy oralmaǵan.
Joǵalǵan erkektiń denesin kómekke kelgen volonterler jeksenbi kúni tańerteń tapqan. Ony talap óltirgen aıý sol jerde bolǵan. Kýrıl orman sharýashylyǵynyń qyzmetkerleri ashýly aıýdy atyp óltirdi.