Ál-Farabı atyndaǵy Qazaq ulttyq ýnıversıtetiniń 356 oryndyq №5 jataqhanasy kúrdeli jóndeýden ótip, jýrnalısıka fakúltetiniń stýdentterine saltanatty túrde qaıta berildi. Osyǵan oraı oqý ornynda BAQ ókilderine arnalǵan arnaıy baspasóz týry uıymdastyryldy.
Bes qabatty jańarǵan ǵımarattyń ashylýyna ýnıversıtet basshylyǵy, zıaly qaýym ókilderi, QazUÝ túlekteri, oqytýshy-professorlar quramy men jýrnalısıka fakúltetiniń stýdentteri, BAQ ókilderi qatysty.
Ál-Farabı atyndaǵy QazUÝ-dyń Basqarma Tóraǵasy – Rektory Janseıit Túımebaev stýdentterdi jańa qonystarymen quttyqtady.
«№5 jataqhananyń qolyna qalam ustaǵan qaýym úshin ózindik tereń tarıhy bar. QazUÝ-da oqyǵan esimi elge tanymal jýrnalıser osy stýdentter úıinde turdy. Búgin sol dástúr jalǵasyn taýyp, jýrnalısıka fakúltetinde oqyp jatqan bilim alýshy jastarǵa qoldanysqa berildi.
Aldaǵy ýaqytta Ál-Farabı atyndaǵy Qazaq ulttyq ýnıversıteti qurylysynyń ekinshi kezeńinde qalashyqta jańa jataqhanalar boı kóteretin bolady», – dedi rektor.
Odan soń ýnıversıtet basshysy jýrnalıserge jataqhananyń jóndeý jumystarynyń barysy jaıly áńgimeledi. Jóndeý kezinde ǵımarattyń syrtqy qasbeti jańartylyp, barlyq bólmeniń qabyrǵalary qaıta sylanyp, árlendi. Esik-tereze, eden tósenishteri men jıhazdar satyp alyndy. Sonymen qatar elektr júıesi qaıta júrgizilip, jaryq berýshi shamdar jańadan ornatyldy. Ár seksıaǵa zamanaýı dýsh kabınalary qoıylyp, sanıtarlyq-tehnıkalyq jabdyqtar aýystyryldy. Buǵan qosymsha ǵımarattyń cý qubyry men káriz júıesi montajdaldy.
Jýrnalısıka fakúltetiniń 1-kýrs stýdenti Hamza Erden: «Biz №15 jataqhanadan qazaq jýrnalısıkasynyń tarıhy órbigen qasıetti mekenge qaıta oraldyq. Bul tarıhı sát. Bul jataqhanada kóptegen zıaly qaýym ókilderi turǵan. Munda stýdentter jaıly ómir súrýi úshin barlyq jaǵdaı jasalyp otyr. Endi ár seksıada dýsh bar. Ár qabatta as bólmesi, oqý zaly da qarastyrylǵan. Jatyn bólmeleri keńeıip, jataqhananyń jalpy dızaıny ózgertilgen. Jalpy qalashyqtaǵy ǵımarattar men jataqhanalar kún sanap jańaryp keledi. Biz óte qýanyshtymyz», – dep óz áserimen bólisti.
Baspasóz týry Ál-Farabı kitaphanasynda jalǵasty. Onda Janseıit Túımebaev QazUÝ qurylysynyń İİ kezeńiniń josparymen tanystyryp, jýrnalıser saýalyna jaýap berdi.
Sondaı-aq jýrnalıser pýly qalashyqta ótken qyzyqty stýdenttik kúnderdi eske alyp, bilim alýshylardyń tynys-tirshiligin kózben kórýge múmkindik aldy.
Aıta ketsek, №5 jataqhanada sońǵy bes jylda fızıka-tehnıkalyq fakúltetiniń stýdentteri qonystanǵan bolatyn. Ál-Farabı atyndaǵy QazUÝ Basqarma Tóraǵasy – Rektory Janseıit Túımebaevtyń atyna túlekter tarapynan jataqhanany jýrnalısıka fakúltetine qaıta berý týraly usynys túsken edi. Osyǵan sáıkes ýnıversıtet ákimshiligi tıisti sheshim qabyldap, kúrdeli jóndeýden ótken jataqhana bolashaq jýrnalıserge qaıta paıdalanýǵa berildi.
Ál-Farabı atyndaǵy QazUÝ-dyń baspasóz qyzmeti