Elimizdiń qaı óńirlerinde kúnkóris deńgeıi tómen?
Strategıalyq josparlaý jáne reformalar agenttigi Ulttyq statısıka búrosynyń málimeti boıynsha, tabysy eń tómengi kúnkóris deńgeıiniń shamasyna jetpeıtin halyqtyń úlesi 2021 jyly 5,2 paıyzdy qurady. Al 2020 jylǵy kórsetkish 5,3 paıyz bolǵan, dep habarlaıdy Almaty-akshamy.kz Elorda.info saıtyna silteme jasap.
2021 jyly óńirler bólinisindegi kedeıliktiń eń joǵary deńgeıi:
- Túrkistan (9,8%);
- Mańǵystaý (8,6%) oblystarynda tirkeldi.
Al eń az úlesi – Nur-Sultan (2,2%) qalasynda.
Qala jáne aýyl turǵyndary tabysynyń edáýir saralanýy saqtalǵan. Máselen, qalalyq jerdegi tabysy eń tómengi kúnkóris deńgeıinen az halyqtyń úlesi 3,8%, al aýyldyq jerde 7,2%. 2021 jyly kedeıliktiń aýyldyq jáne qalalyq deńgeıleri arasyndaǵy eń úlken aıyrmashylyq Atyraý (9,1 ese) jáne Mańǵystaý (4,3 ese) oblystarynda baıqaldy.
«Kedeılik deńgeıi – eń tómengi kúnkóris deńgeıiniń shamasynan tómen tabysy bar (tutynýǵa paıdalanylǵan) halyq sanynyń halyqtyń jalpy sanyna shaqqandaǵy paıyzdyq qatynasy. QR boıynsha 2021 jyly jan basyna shaqqandaǵy eń tómengi kúnkóris deńgeıiniń shamasy orta eseppen aıyna 37 266 teńgeni qurady. Bul rette árbir óńirdiń óziniń eń tómengi kúnkóris deńgeıi esepteledi», – dedi Ulttyq statısıka búrosynyń Eńbek jáne turmys deńgeıi statısıkasy departamentiniń dırektory Natalá Belonosova.